即閃台北五天行~Day 3
到咗今日我哋一樣留喺酒店食三文治,然後就行🚶🚶🚶過去台北車站， 搭台鐵🚆去瑞芳站~
原來用悠遊卡都可以搭台鐵真係十分之方便
我哋打算搭九點嘅自強號或者8點40分嘅區間 快車， 因為 想十點前去到瑞芳,搭十點鐘班車~
因為瑞芳往青桐嗰邊嘅火車,要一個鐘頭先得一班,所以一定要預好時間~
火車唔準時 ,區間快車同自強號都 延遲 ,我哋都等多咗20分鐘先有車嚟😡，
幸好搭區間快去到瑞芳都有時間剩😥,所以唔驚搭唔到十點嗰班車
到咗火車站,我哋都仲有時間去車站商店買嘢, 我就買咗張明信片,打算去到十分站,之後然後寄返畀自己😊
瑞芳站去十分車站得幾個站,好快就到咗喇💨
我第二次嚟十分車站,
肚姐話想放天燈所以今次再嚟啦😄
有朋友話十分車站 ,有得買雞翅包,話味道都幾好👅,所以我哋都買嚟食😋
肚姐話要戒雞,不過佢都話要買一隻試食👄
味道ok啦,我又唔覺得點特別好食😐
十分車站到處,都可以見到貓貓🐺㗎
因為一個鐘頭得一班車,所以個火車軌就變成景點.企滿哂人影相📸👫👬👭
我哋由行吓買下嘢,好快又一個鐘 ,一見到火車到,啲人立即行返去 側邊 , 感覺就好似喺泰國 嗰個 美功鐵道~
我哋就正式去台灣 放天燈😄啦
外國人都放,不過好有趣,見到用毛筆字寫唔知係咪英文😸
我哋揀咗個四色， 都係隨心咁寫啦~
每種顏色代表唔同種類願望,(我想好多人都知)
寫完就就同個店員講,我哋可以放喇，
放之前嗰店員幫我哋影咗幾張相, 仲拍埋短片， 以前都冇咁專業😊
之後影埋張天燈飛天嘅照片😲
見到間榕樹下米粉湯,好似好出名,本來打算去呢度食,但係仲未肚餓所以都係放棄啦`~
十分瀑布太遠啦,要行成大半個鐘, 所以都係放棄啦(其實我上次去過,行到死死吓,今日咁熱,佢又咁懶行路,唔去係正確👍)
放完天燈,我哋行返出去搭火車出去返瑞芳站
當然要去個地標,靜安橋影返張相先啦
計啱時間就行過去搭火車啦
可能時間早,加上係平日,所以火車上冇咩人,我地好似包咗車廂~
我地出錯出口,所以要行去遠路
肚姐 個爛賭鬼， 話要玩擦擦樂😍
佢買咗雙數 當然唔中啦~~😜
今日天氣真係又熱又曬呀, 慢慢行去巴士站,等車上去九份
等咗好耐先至有車到, 我哋今次就搭 788號車
山路不停轉圈😵,幸好有位坐😓
去到九份我哋就行入去九份老街啦
其實跟團呢都去過九份好多次,不過每次都係老街入裏面買手信,而且時間唔夠,買完就好似趕鴨仔咁上車走人~
今次自己嚟,就可以成個九份行一下,可以行上去睇下其他風景,唔係只得SHOPPING💃
食店好似好多,但係真係搵唔到邊間要想食, 我哋是但搵咗一間食.,但舖頭名我都唔記得影相,只影咗餐牌
味道都ok啦~
之後就去九份好出名嘅阿柑姨芋圓度食 甜品
買完之後我哋就 行過去食嘢啦
阿柑姨 芋圓真係幾好味😋,如果下次嚟,我一定會要再食多次, 今次食熱,下次一定要食凍
之後周圍參觀下,睇下有咩景點可以影相
呢對拖鞋 像真度都幾高
行咗上山都冇咩好睇所以又行返落去啦
行返落去,見到有個阿妹茶樓
影吓相,再行落去
再行落少少就係昇平戲院呀, 因為我哋去到嗰時都差不多六點要關門😰
好咗個職員好人,差一兩分鐘都畀我哋入去影相,所以我就好快速咁喺入面影咗幾張相
如有機會,我會再嚟多次😌,想住一晚民宿tim~
到九份一定要試下佢嘅魚丸, 雖然每次嚟食,我都覺得佢哋丸子好一般😐,不過隔咗咁多年嚟再試多次啦💋
不過真係覺得好一般😑
之後我哋就行返出去 搭巴士去基隆夜市 ,今次亦係搭788,不過要行上山,係另外一個站☝
我哋搭咗成個鐘,喺義二路口站落車, 不過都要行一段路先到
落到嚟都花多眼亂, 肚姐話想食蝦,咁我哋就坐低食啦
其實見到佢啲價錢都覺得唔平,都幾貴下野 ,不過海鮮係咁㗎啦. 你睇下啲蝦新鮮游水架
食完之後,肚姐就好煩咁,話好貴,講到返香港😠 .....
大姐你食之前,已經睇到個價錢啦😡,人地已經列咗價錢出來,而且係你話要食,而且都唔係真係好貴呀
(可能平時嗰幾餐真係太便宜,所以佢就覺得貴喇,咁鬼煩嘅人💢都有,佢自己買對幾百蚊港元人字拖鞋又唔出聲哦,後來重發現係made in China....留待第四日講)
基隆夜市好出名嘅營養三文治,成日聽人話好好食😋,咁就嚟試下啦
價錢唔貴即叫即做,而且見到好好生意排曬長龍👬👭👬👭
雖然熱氣咗少少,但事實上真係好好食😋👄
食完個包我哋都唔知點解覺得好飽， 都係時候返返去台北啦 車站，
肚妹話喺google map見到有基隆火車站 係附近,
但 搭火車比較麻煩要轉好多次車,我記得網上面話係有巴士直接到台北火車站嘅.
我哋走去搭1813， 不過基隆夜市行過去真係比較遠少少,要行十幾分鐘 ,不過好在我有做功課
真係好輕易又行到你巴士站， 呢個18 13係直通車嚟㗎,所以都好快到台北車站啦,因為中間不停站~
咁樣第三日行程就完~
沒有留言:
張貼留言