早出晚歸台中遊~第五天

最後一日行程,要臨時更換,班姊妹話要shopping,所以原先諗住去自然科學館要取消......

我地諗住要買野,想舒舒服服放手信,所以問酒店可唔可延長時間退房。。。佢話可以，不過要做會員，不用錢，只要填份表，每次訂佢地集團酒店都可以儲分，儲夠分可以免費住酒店，而且可以下午兩點退房。。。。。既然唔做使錢，只係填少少資料，咪做會員啦~

搞掂哂，我地去食早餐，之後行去台中車站~

去返我地琴晚間書局買野，但未開門，咪行去附近間7仔傾計。。。見到有幾棵木棉樹

早出晚歸台中遊~第四天

第四天,我地今日要去妖怪村,要搭9:00車去溪頭,所以要六點起身.....::_361

都係喺酒店食早餐,唔使諗咁多.....

台灣好行干城站,只離我地ga酒店幾分鐘路程......

早出晚歸台中遊~第三天

第三日ga行程,我諗咗好耐,開頭諗住搭客運走(即係公車,諗住順便去埋其他景點玩),但等車時間太長,所以問佢地包唔包車,佢地一致話包車冇問題(里班朋友真係好,唔多計較,大局為重)....我即時輕鬆哂,原本唔諗住去日月潭,但包車話可以去埋,諗住有車,可以輕鬆去埋.....::vv4049 ?!

第三日早上五點,聽到有人起身去洗手間沖涼,但唔知係邊個,因為太眼訓,唔願打開隻眼望吓邊個(一直以為係右邊ga棗棗,因為矇矓間見佢彈起過身,但覺得冇可能,因為琴日佢話六點起身洗頭,但六點時聽到佢話瞓多十五分鐘,到六點十五分時,又話瞓多十五分鐘)
沖涼條友沖足一個鐘,但係沖得好嘈,又關水制又開水制,不停重
覆,極為討厭::vv4003 ,結果我頂唔順,要起身,順便出露台影吓相.......

早出晚歸台中遊~第二天

未去台中時,我覺得最煩係行李,因為上網見d人,晚晚唔同酒店同民宿,日日拉住個喼搭公車::cc4000 .....

我唔想咁辛苦,所以決定係清境只住一晚,其餘三晚住同一間酒店,同埋我發現好多清境民宿,一定要俾按金先,但未必可以信用咭,真係幾麻煩~

後來我發現有一間好受香港人歡迎ga民宿,里間民宿唔使俾按 金,重可以幫你搵包車上清境,只要你email俾佢,佢就好快覆你~

其實 大家都係講個信字,如果去唔到,最好預早通知人地,如果唔係,就再冇里d咁好ga民宿::cc4115 ~

係逢甲打的返到酒店都成十一點,返到去要執d輕便行李上清境,因為大件ga我地會寄存係酒店度.......結果搞到兩點幾先瞓.....::_361

到咗第二日,我地約好七點半去酒店食早餐(酒店套票包埋),雖然麻麻,但豈碼可以省番早餐錢~

今日天氣好好,而且好晒~

早出晚歸台中遊~第一天

今次台中遊之所以去台中,事緣見到張清境照片所引起......::vv4005

對台中一d都唔認識,唔知有咩景點,只知去清境......由零開始搵資料.....不停上討論區,結果都搞掂,不過都幾辛苦plan行程,因為想去ga景點都幾散::vv4018 ~

今次去台中,學討論區d人咁講,用金錢換時間::vv4014 ,因為景點太散,浪費好多時間....

到咗三月中,我地出發啦~

我地今次搭華信航空,因為係細機,驚冇位,所以一早上網劃好位....(所謂一早,都係出發前24小時)

到咗機場,check in咗,就例必去食早餐,第一次唔係食麥記~