返嚟囉

去咗五日日本,終於返嚟,

預我所料,全個行程都係去郊區,我直程都唔知去咗邊,最叻都係去名古屋地下街行吓,所以叫我買野d人會好失望…..

等我得閒時,再寫吓果五日旅行ga趣事„

名古屋

我地去到名古屋地下城,以為今次會大出血.......

最後一天

今天是在日本的最後一天,其實沒有什麼行程,因為我們要搭下午一點班機
早上,導遊帶我們去Jusco當係最後的行程,其實Jusco在日本并沒有漢字名,而吉之島這個名,來到香港才改的,所以我們去到日本如果要搵Jusco,千萬不要同他們說搵吉之島,因為他們未必知道吉之島即是Jusco.
我們九點鐘去到,在超級市場內逛,因為吃了早餐不久,所以得個睇字
但後來被d類似草餅ga物體吸引住,

飛驒高山陣屋

午餐過後,我地前往御母衣湖,

返酒店浸溫泉食海鮮

去完立山黑部 ,我地就返酒店食晚餐啦

今晚因為有温泉浸,所以又住tatami 酒店,今晚間酒店叫宇奈

月格蘭.

"最美麗第七天"- 五箇山~合掌村

到咗第四日,我食咗四日酒店自助早餐,都有d 反胃...
我地差唔多九點去到五固山~合掌村 ,之前肚皮成日話想去"最美麗的第七天"ga拍攝地(簡直中咗電視毒),今日終於去啦,

第三日行程緊密之立山黑部

到咗第三日,我地今日要上雪山,所以要著長袖衫,,,,
早上七點廿分,我地到咗金澤兼六園 ,里個園係日本三大名園之一,

日本第二日

第二日我地要六點morning call,因為唔夠瞓,所以全程喺車度瞓,不過車程太長,所以瞓醒都未到目的地.....
朋友見我係車度"中",用手捉住我,佢話我幾乎跌出走廊.....,吓?我唔知既?
終於到咗第一個站,比叡山延曆寺

到達日本

我地坐咗三個鐘頭機,終於去到日本.....

第一站係熱田神宮,其實都係一般神宮....

不過神宮內話有幾種刀,重係國家文化財產,但係因為裝修,所

以冇得睇...😢

每個神宮必定有酒桶

日本國花~菊花,好似話里d係貴族ga標誌,因為菊花外層多個圈～

七福神?

白鴿必定有(見唔見到有隻死烏鴉),但......

但點解有兩隻大肥鷄,(里兩張放得太大,個心唔知點解跳得好

快~好驚)

之後我地返酒店,今晚我地可以浸溫泉,所以入住有tatami 

ga 酒店,個酒店名叫長浜皇都,

之後我地係酒店食晚餐先,個樣好精美....

因為零晨一點溫泉會關閉,而我地唔想同d團友一齊浸,所以食

飽飯後,我地係酒店商店逛,見到炭ga沐浴用品,肚皮見到話想

買,後來見到馬油ga沐浴用品,果度寫到好好,而香港又冇得

買,所以我地咪叫肚皮轉買馬油....

不過一支細ga馬油沐浴露要成百幾蚊港紙,大ga要成三百幾

蚊,(大ga大約有750ml)

肚皮諗咗好耐,打算買支細,但朋友叫佢買支大,佢話計起上嚟

大支抵d,

肚皮蠢唔哂,都係買支細,

返到入房,肚皮好心急咁用支馬油洗手,之後佢走過嚟我間房

話洗完之後隻手好滑,開心到暈,重叫我試吓.....

我試完之後,真係好似係,不過而家係夏天,香港天氣咁濕,用d

咁滋潤ga野,會唔會立得滯?

聽講浸溫泉果度有炭同馬油ga沐浴用品,

朋友話攞個樽仔去"裝‘’,

點知入到去溫泉更衣室,有個阿嬸👵係度坐陣,佢重及實我地有

冇"嬲"大毛巾入浴場,

佢仲間中突擊檢查,入浴場睇我地有冇將毛巾放入溫泉水,一

見到我地放毛巾入水,即刻喝令要我地攞返條毛巾出水,(其實

我地只將條細毛巾放入水,好似沖涼咁)

真係嚴格....🤷‍♀️🤷

早機

明天要搭早機去日本,要六時正在二號客運大樓等,我們抓哂頭,二號在那裡呀?

好慘呀,因為要搭通霄巴,要搭零晨四點半車(因為我家附近的通霄車要行個幾鐘先到)

我很後悔告訴公司的人說去日本,因為他們叫我買野食(其實我都唔打算買手信俾佢地,因為佢地咁鬼衰)

馬仔問我是否去日本,我說是,問他是否想買野,他沒說,只是在笑淫淫,我看見他的表情,問他是否想買什麼寫真,或什麼AV女優,如果是,好呀,俾錢我,我幫他買;但其他人聽了竟然說我咸濕~~~呀!太過份啦…

咁衰唔買手信俾佢地!

哈哈,唔好怨我,怨你地自己啦!