因為之前冇影過我哋酒店房， 所以今日放出嚟畀大家睇下， 我哋間房一張細床一張大床， 雖然都唔算大,但係比想像中大😁
房間冇衣櫃,不過有個衣架車,同埋凌空有個鐵架比我哋掛衫,不過房裏面得四個衣架,所以我哋再問佢哋攞多十個😀....
浴室我唔記得影,不過我可以形容吓,有一個花灑房,一個浴缸,浴室都唔算細,
係網上取酒店官網照片👇
講番今日因為要去陽明山,所以要好早起身😳
肚姐就第一個起身, 佢琴晚已經話會落去休息室攞三文治畀我哋食， 佢好早咁落咗去攞咗六件上嚟,再攞多三隻蛋
食咗一件三文治.然後留番一件中午食😏，
我哋梳洗後 ,落去休息室睇下,原來都仲有好多三文治剩~
之後我哋經過💃 和平 公園,行去 搭捷運，
行去台大醫院站， 搭去劍潭站
到劍潭站，我們乘坐紅5，
紅5公車：往返劍潭捷運站-陽明山,半個小時抵達陽明山 總站
下車換乘108遊覽公車。每次上車15
台幣，購買60台幣一日票可以順時針隨意上下車， 計過條
數， 買唔買一日票價錢都差不多， 所以都冇買
第一站去竹子湖， 喺竹子湖派出所落車， 然後沿住條路一直行， 見人點行就跟住行
見到個唔知乜嘢嘅研習中心， 我哋就行上去， 其實都係借厠所用
去完個廁所， 我哋就一直行，
見到有戀情,幸福.開心郵筒， 其實都唔知係咪真係可以寄信,其實我覺得似垃圾筒多d~😀
之後見到一大片楓葉， 其實都幾奇怪 4月都會有 紅色 楓葉
有賣筍海芋,
之後見到一大堆人喺度睇地圖， 我哋當然唔睇啦 因為睇咗都唔識呀 所以都係打算跟住人行算
之後跟住人行 果然真係去到竹子湖， 其實竹子湖好大,
今個月係海芋盛產季節， 好多台灣人過嚟你度採摘海芋
但我哋只係遊客,就算摘咗,都攞唔到返香港， 所以睇下就算啦😙.......
天氣好好好陽光.,但係一啲都唔覺得熱,仲覺得有少少涼意~
我哋影下相 ,食下三文治之後就行返出去
之後就見到一間簡簡單單既餐廳
簡單到可以話係比較簡陋,
隔離種咗d植物,應該係賣~
試下當地農村菜, 因為肚姐唔食雞,所以 全部都係菜 或者菇類
食飽就行返落去竹子湖派出所,搭108去下一個站
下一站小油坑........
小油坑，去觀賞火山地形。小油坑為火山爆裂口😉 ，
佢兩個對大自然景色興趣不大,一落車就企係度😳~
附近都有個 展覽館 介紹小油坑
有間買禮品嘅 其實都係買啲 水晶之旅嘅石仔
我哋冇買呀,因為懶,覺得啲水晶石仔好重
之後再搭車去擎天崗， 網上面個個都話好靚,話一定要去
去到又唔覺,冇想像中咁靚 再加上嗰兩個懶人,落咗車就唔願行,所以我哋都喺附近行, 可能行上山會更加靚,不過無辦法啦,佢哋係 shopping小婦人,
好快又搭車去下一站,就係冷水坑 冷水坑有溫泉浸㗎
冷水坑為火山堰塞湖,由於冒出溫泉約為攝氏40度，故以冷水
坑為名
見到好多當地人喺度浸腳 ,又係因為懶嘅理由,我哋冇去浸,懶得除鞋
之後就走去溫泉區到睇睇入面咩情形 ,呢度浸溫泉係免費呀,見到一啲行完山嘅婆婆嬸嬸 ,都會走入去浸 。。。。
我哋當然都係冇去浸啦,都係參觀下算啦
話咁快就睇完喇我哋
搭番108去返陽明山總站然後搭260返番去台北
260嘅總站係台北車站,所以我哋就去台北車站地下街行下算啦，
見到有我最愛嘅香腸,咁我哋就每日買咗一啲嚟食啦,但覺得好咸😦
喺台北地下街行下街買下手信,買完就將啲手信攞返去酒店， 坐一陣先出食晚餐😋
肚姐忽然話想今晚打邊爐 ,咁我哋就出去睇下
因為快到晚餐時間, 所以好多餐廳都開始多人 ,行咗幾條街終於見到有間 邊爐,叫鍋中鍋,
都幾有趣一人可以叫一個餐,一人一個鍋夠曬衛生
我叫咗個三杯雞餐
肚即叫咗個豬肉餐
肚妹叫咗個魚餐,
食飽就我地就返酒店,今晚繼續浸我哋嘅溫泉浴 ,聽日又要早起身,因為聽日去九份十分~
沒有留言:
張貼留言