上海四天~最後一日

到咗上海最後一日啦,今日去城隍廟,應該有好野食啦,點知佢地都係唔食早餐就出發

今日風和日麗,影相相當好…..

上海四天~day3之2

真係可怕,同班熱愛影相ga人…….佢地又唔記得未食午餐
 
佢地眼中只有中國館,沖呀~

睇住地圖,搭地鐵到咗…….

上海四天~day3之1

真係要睇番d相先記得行程……
第三日我朝早去七寶老街,未食早餐就出發,去到時個肚真係餓到燶

上海四天~day 2之2

估唔到差不多一年後我先寫埋落去,可能真係太懶,希望重記得啦~

入到去真係好多地方影相,影得超多相…….

上海四天~day 2之1

上海四天~day 1之2

 

  

離開酒店,行咗好耐,途經一間中學,見到佳家湯包,終於可以食野醫肚…….

上海四天~day 1之1

  

  

  終於到咗十月廿二日,去上海ga日子,我已經成兩年冇搭過飛機,所以有d開心….
果日我好早起身,因為要7:30去到機場,搭九點鐘班機,所以都好眼瞓
   今次我係第一次自由行,加上有四個唔識ga人,所以有d擔心……
    到咗機場會合,然後去攞機票劃位,非常順利
    可能去上海只係一個半鐘小時,所以係機場食ga早餐都未落隔,上到機好快又要開餐,果兩位好朋友,食唔落,就俾哂我

順德兩天遊~第二天

第二日,酒店退房時間為11:30,所以我地可以瞓得好晏,不過因為我間房對住間小學,所以晨日被d鐘聲嘈醒

到咗九點半,早早叫我地去酒店食早餐,而大師佢地話要瞓覺,所以冇落去…..
不過到我地差不多食飽,佢又離奇地落嚟食…..
好快又到退房時間,離開酒店前,見到酒店門口有招聘人材廣告

開始我地ga行程,大良步行街,送每客一碗雙皮奶…

雙皮奶太甜,所以我地冇點,加錢食其他…..

我地四個點薑汁撞奶….

而衰仔點金銀奶,點知肚皮又話要一樣,結果被大師寸心靈相通,情侶甜品,嚇得衰仔鬼渣咁嘈,我地聽到笑爆咀,不過遊魂ga肚皮唔知發生咩事~

炸鮮奶,好味~

之後去買崩砂~

d崩砂好食過香港d~

之後又係午餐時間,去食私房菜~

開放式廚房

佢地見到d公鷄碗大驚小怪,其實香港都有得買~

煎糉,真係未食過,不過冇驚喜~

d胡椒豬肚湯,料真係多,不過d湯好淡味,就係莫名其妙

蒸白飯魚,大條到好得人驚~

又係餸多到得人驚~

鷄紅鷄什湯,我好驚里d內臟,所以冇食~

食飽我地就回程返深圳,散隊…..
不過我地ga餘興節目係去揼骨…..

順德兩天遊~第一天

五月尾同早早d同事去參加美食之旅個旅行團,相當超值,每人只需五百,就包哂團費加領隊費,總之就全包宴….不過當然要係深圳集合同散隊
當日我地要係早上8:30到深圳集合….
真係估唔到當日係平日,都有好多團係度集合,我地個團都有成四十六人
搭咗一個鐘頭車程,到咗番禺南沙天后宮~

珠三角最大天后

當日烈日當空,我地一行六人,其中有兩個因為懶,一去到就搵樹蔭下坐…..
我地四個繼續行程,不過真係熱到

之後就去食午餐,原味民間20道菜~
前菜十道….

主菜又十道….

下一站,估唔到,同內地團嚟香港一樣,係遊商場…

結果我地係百X超級市場遊咗個幾鐘
之後坐一個鐘頭車去到順德樹生橋風景區….
條橋係棵樹造成~

之後去順峰山牌坊,不過真係冇野睇….

坐咗一陣,去食晚餐…
招牌靚湯蔥油鷄…..

可能真係招牌菜,得里碟好食d,其他都唔好食….

之後返酒店囉,不過聽個領隊講,我地住果間唔係酒店,係公寓,即係我地香港ga aparment….

我去咁多次酒店,第一次見咁細卷ga廁紙,問佢攞卷新ga都係咁細卷

返到酒店約七點,我地休息到夜晚九點半,再出發食宵夜….(自費)

         

我搭的士去金燕粥,車費只你$7.7

自己沖茶真係鷄手鴨腳

一盅兩件好味

韮菜豬紅正~

未食過咁好味ga油炸鬼

我地之中有兩個唔食魚,所以我地四個吃…..條鰂魚有好多蛋,同埋起哂d肉煲粥~

里窩九幾菜煲粥超甜超好食~五個讚~

食飽返酒店,明天再出發~