到咗第四日, 因為今日係比較休閒嘅一日， 所以就唔使咁早起身， 我哋瞓到九點先起身,然後慢慢行過去 西門町 ,打算去麥亨堡食早餐， 點知去到麥亨堡門口竟然冇開門， 唯有即時上網睇下有冇其他早餐店， 見到附近都有個永和豆漿.所以就行過去食啦~
永和間店舖好細間好在都仲有位， 不過都好多人買早餐食。。
之後就由西門町行過去 剝皮寮, 因為之前打算喺麥亨堡食完早餐行過去,所以地圖都係由 麥亨堡 行過去
所以食飽飽後我哋就行番個 麥亨堡 間鋪頭門口，依照我之前嘅地圖跟住行過去
因為google上嘅圖片同真實嘅圖片有少少出入，所以 我哋都有少少迷路
睇地圖同埋沿路問下啲人，都幾順利就到咗啦
牆身都有少少似眷村嘅感覺
喺網上見佢都有啲街舖影嘅,但係去到時好似地盤咁裝修緊， 所以有少少失望😔
唯有行入室內
入到去都有少少簡介剝皮寮
因為剝皮寮喺龍山寺站， 所以我係地喺龍山寺站附近行下街, 同埋聽聞嗰度有個夜市好多膏藥買,。。😅
喺地下街有好多膏藥買但係肚妹想買嗰個牌子,就搵唔到.最後都係空手而回😔
之後我哋搭地鐵去中山站， 因為時間尚早仲未到中午食飯時間,所以我哋喺中山地下街行咗一轉， 中山地下街係可以連接到台北地下街嘅
之後我哋就行過去醬太郎食中午餐， 網上面有啲台灣嘅網友話唔差, 佢最大嘅賣點係平同埋唔收加一， 吃中午餐因為我哋唔識book位同埋中午應該冇咁多人，
因為我哋早去所以一上到去即刻有位
出面枱會有啲小食畀我哋自己攞番嚟食
另外我哋可以寫order紙,然後比侍應......
我哋都係點嗰啲海鮮呀,牛呀
雖然食物質素一般但係以咁嘅價錢都唔錯， 而且因為係平時,中午客人唔係太多,所以就算我哋食到時間到,職員都唔會叫我哋走
食飽飽後我哋就今日嘅最後衝刺shopping，
中山站附近行完街,我哋再行返落中山地下街再行去台北地下街。。。滿載而歸
我醒起💢台北車站附近好似有間洪瑞珍， 因為幾年前我哋喺台中食過洪瑞珍三文治,覺得非常之好味 所以我哋喺台北都要食洪瑞珍
原來 洪瑞珍三文治店這麼近,那麼遠,我哋行了好多個圈了,先搵到😖
原來就係台北車站不遠嘅地方
我哋三個都買咗個綜合味
之後肚姐話想試下胡椒餅,所以就買咗一個,
其實我以前食過, 覺得幾好食,但係覺得貴, 唔係太值囉
髒髒包， 最近喺台灣好似好流行 ,想試吓~
途經我哋酒店附近嘅一間麵包店,見到佢有得賣,就買一個返去試下
可能酒店有免費杯麵嘅提供,我哋日日都過去食杯麵😁,今晚都唔例外，
加埋頭先買嗰啲三文治,麵包😋.......
買返嚟嘅麵包事後檢討:
洪瑞珍真係覺得冇以前咁好食 ,反而覺得酒店早上提供嘅三文治仲好食，
胡椒餅ok啦如果唔係價錢咁貴 我都會下次再食
髒髒包其實只不過一個好多朱古力麪包,好多朱古力粉嘅麵包我就覺得麻麻地啦
今日同幾日前嘅戰利品， 其實仲未收手㗎今日聽日仲有機會買。。。
肚妹就買咗好多熊寶貝而,我就一盒都冇買,因為我對我嚟講冇乜用
因為平時我用嗰啲洗衣粉洗完啲衫已經好香噴噴,唔需要再用呢啲
因為今日早返酒店,同埋好早食晚餐,所以呢我哋喺酒店房坐咗一陣 ,再出去食宵夜， 阿宗麵線係台北招牌菜,所以我哋都要去食,雖然都食過好多次,不過我覺得真係都好食㗎
苦瓜奶 係台灣必飲嘅飲品, 因為我唔係太舒服,所以我唔敢飲,就轉飲芒果奶
佢兩姊妹,就各自買咗杯苦瓜牛奶
飲飽食醉又繼續shopping啦， 今晚 桃姐買咗好多嘢， 講開佢就覺得佢好鬼煩，
之前見到有間舖頭有綿綿冰.佢見到就問係乜,我哋就話綿綿冰...
佢話去食囉,但係我哋話不如食咗阿宗麵線先啦,佢話ok,食完阿宗麵線,就問佢係咪想食 綿綿冰 ，佢就話唔好啦。。。。
今次佢好多時見到乜，就話要食乜，但係轉個頭又話唔好😈
打算返酒店途中佢見到有間舖頭賣拖鞋 ,佢就係話入去,佢試咗好多對,有兩對佢好鍾意,我叫佢兩對都買,佢又唔想...
最後終於買咗一對,不過對拖鞋都幾貴成 三百幾四百蚊港紙😮....我同佢講買咗就唔好睇邊度製做啦,費事好似冰姐喺日本嗰時 買咗啲嘢,比比哂曬錢之後,先睇到原來china制造😆點知佢返到酒店睇下對拖鞋真係made in china， 真係有啲白痴😰
沒有留言:
張貼留言