今次去台北， 都係用咗半個月時間， 我同肚姐傾下傾下咁就咁去台北， 因為佢放復活節假， 我唔想紅色日子去,因為會比平時貴好多,所以就揀 7號打後去， 7號8號都貴,不過冇辦法啦,要就肚姐啲 假期😞
酒店係去 agoda book, 因為發覺台灣好多酒店,都係冇窗同埋特別細,所以我搵咗好耐,終於搵到間叫做路境行旅, 雖然去西門町要行七分鐘,行去台北車站要十分鐘,但係間酒店最少有窗同埋房間都ok大,同埋價錢唔貴😊.....
至於機票今次唔想搭咁早,打算搭中午機去,原本想去永安個apps book,見佢唔太貴, 打算畀錢時,發覺要填好多個人資料, 感覺好奇怪,因為平時買機票,只係要畀 個英文全名,,,,
聽人講每間航空公司要嘅資料唔同,所以我就上去中華航空個網站睇睇,發覺佢個網站 book機票,都係只係需要畀英文全名, 所以決定唔用永安app book, 決定一齊約去永安 旅行社個counter買機票
去到永安counter度買, 果然只係需要個英文全名其他資料都唔使,不過就貴好多好多.....
其實都唔明啲apps點解要咁多個人資料,坦白講冇必要,真係唔想打咁多個人資料上網買野....
到咗喇出發日,我哋約喺機場食早餐今次去 太興 食早餐
當日都有落雨， 台灣嗰邊都好似落大雨 所以班機delay咗成半粒鐘 先到香港😥
因為無聊,所以我哋企喺窗前面睇啲工作人員上上落落飛機， 我哋喺度討論呢班人去清潔㗎喎 ，班人又做乜嘢㗎。。。 又話呢堆係咪行李嚟㗎, 點解有啲係機頭落嚟,有啲係機中間落嚟嘅😆
見的工作人員落曬機,啲行李一箱箱車走曬,已開始登機囉喎😊
總覺得中華航空的飛機餐通常都係麵....炒麵， 今餐真係麵
坐咗個零鐘頭機 終於可以落機喇
我哋到咗機場就去買張電話卡,今次都係買中華電信
之後我哋就去搭台北機場捷運， 見普通同特快都係一樣價錢,所以我哋都係等特快
可能機場係中途站呀,上到車已經好多人喺度,好在都有位坐
話咁快半個鐘就到咗台北車站喇,因為我事先有做好功課,所以到咗台北車站，我哋喺5號出口,一直行就可以到我哋嘅酒店啦
去到酒店 ， 見到有條樓梯落去大堂😱,
個 大廈管理員聽到, 就 用手指向 𨋢， 差少少嚇死本尊啦😅
好順利咁check in,大堂仲畀埋鎖匙我哋可以上房啦
房客休息室都喺大堂隔離,我哋過去參觀,發覺有好多唔同種類嘅杯麵任食,肚姐一見到就話 要食曬佢😰
汽水咖啡免費
咖啡奶茶任飲
之後上房放低行李我哋就行去西門町， 去程味珍食我哋第一餐
去到程味珍時都四點幾， 所以當時都唔係好多人
每樣都夾咗啲， 基本上啲鹵味都幾好食
食飽就去 日本藥妝度買嘢， 佢最高嗰層有個博物館,我哋就上去睇下
好多影相位
忽然好似見到日本故事
買下嘢,睇下野,影下相,都到咗 夜晚， 我哋就行去西門町搵食
出到嚟都唔知食咩 ,周圍行咗幾個圈,食咗少少嘢
竟然走返去酒店食杯麵， 有個爆谷機我最鍾意食嘅就係爆谷
上網睇係一支支嘅汽水但個雪櫃變曬全部都係水
又影咗條短片不過影得真係比較差下次會影好啲
走返去酒店食杯麵好搞笑， 阿肚妹買咗啲老天祿鴨舌返嚟食因為我唔食鴨舌所以我要咗一隻鴨腳
， 今晚嘅晚餐👇
之後返上房,我哋喺日本藥妝度買咗好多浴鹽， 見間酒店新開冇耐,所以就夠膽浸浴,我哋買咗樽消毒藥水,洗乾淨個浴缸然後就浸浴缸啦。。。
不過三個輪住浸,搞到兩點先瞓😪
沒有留言:
張貼留言