新年珠海澳門hea到暈~day3 &Day 4

又係瞓醒冇行程嘅一日,不過今日就打算過去澳門， 喺珠海呢邊是但搵一間細細間嘅小食店食👄餃子,咁我哋就出發過關去澳門😃

嗰度澳門我哋去 美味園劉記再食。。。
叫咗個豬扒撈麵， 同個咖哩雞絲蛋治

之後又搭車過去福隆 新街， 肚姐話想食燉奶，
我就同佢去保健牛奶度食

之後周圍行下街,睇下有冇嘢買,最後我去咗最香度買咗盒杏仁餅

原本諗住過去媽閣附近嘅吳廷記食下個冷糕， 

雖然有開,但係竟然咩糕 咩,咩餅都冇,淨係係買埋啲過年食品,真係失望😭!

行咗一陣都成下午四五點啦,咁我哋就過去 燒炮竹

我哋又搭車過去旅遊塔，過去燒銀紙

過去買啲煙花產品今日全部大特價。。。

因為得我哋兩個所以都係買少少玩下就算

睇下人哋玩

之後又自己玩

原來今日係最後一日,唔怪得知大傾銷啦 ,知道就夜啲再嚟， 聽講夜晚買得仲平,分分鐘半價,甚至一兩折都有😆

其實玩爆竹應該夜晚玩,但係我哋驚太夜過關,返 珠海比較趕,所以都係下午玩會好啲。。。

 搭車返返過新馬路附近落車,見到間麵包鋪有個美少女sailor moon 蛋糕💃好 搞笑

之後就行去十月初五街去牛記食晚餐

牛記咖哩當然是叫下佢嘅咖哩牛腩飯啦

送碗例湯😃

在叫個蟹黃撈麵

一碟墨魚餅

今餐黑洞肚姐話好好好,原本佢想叫埋水蟹粥,但老細話今日冇水蟹粥賣😩

食完晚餐梗係過去隔離食甜品啦,我哋就行咗過去勤記嗰度,叫咗兩碗糖水食

食飽飽我哋就慢慢地行去搭車返過去關閘，

 過返去珠海 然後就買咗包新鮮芒果返酒店做宵夜啦

到咗第二日已經係最後一日啦✋， 今日要退房,同埋我攞住個喼,所以都係喺珠海呢附近行下算,唔過澳門行，
知道酒店有個健身室我哋就走過去搞搞震

退咗房寄存咗行李,我哋就喺酒店附近四圍行下， 記得酒店附近,有間煲仔飯我哋就走過去試下先， 

有啲搞笑通常煲仔飯係當晚餐,我哋竟然攞嚟當 早午餐..😄
潮香 類似家庭式經營， 佢哋好熱情咁叫我哋上二樓

可能啱啱先開鋪啦,煲仔飯啱啱先至開始整， 佢問我地想食乜我哋 有選擇困難症， 佢就提議樣樣叫啲啦,叫個什錦， 

佢哋應該做街坊生意,我哋坐落冇耐就開始越來越多人

我哋個煲仔飯到啦 ,真係好好味😍， 價錢又唔貴

食飽就行返過去酒店方向， 忽然諗起第一日就見到呢間糖水舖呀,肚姐話想食桃膠,但過咗咁多日都冇去,今日最後一日啦,咁我哋就入去試下啦

見佢價錢都好抵我哋就入去試下啦 

同相片都出不大,都唔錯😊

之後我哋就返酒店攞番行李然後 返去澳門. 去碼頭買船飛返香港喇😸