澳門龍爪角之旅~Day 1

好耐之前都話要去龍爪角， 忽然又講起， 大家就下假期攞假去啦👍。。。
今次平平哋就過去珠海住酒店， 第二日先過去澳門,去行龍爪角。。。
今次我哋租住珠海 L酒店蓮花店, 價錢比喺澳門酒店平咗一大截， 一間普通房都係二百幾蚊一晚， 今次好啲一人一間房。。
第一日行程如下😀,

到咗當日,我哋又係約咗喺上環澳門茶餐廳 食早餐

之前喺永安個apps買咗 金光飛航 來回船飛， 非常之抵，每人來回都係240蚊， 

今次第一次去 氹仔新碼頭， 搭發財車去金沙酒店

去到金沙酒店門口我哋再搭發財車去 關閘， 等車途中又遇到金沙職員做 問卷， 我哋就將個責任由推比 四眼超人😎。。。 哈哈😁

時間啱啱好👍,做完個問卷架車就到啦， 

到咗關閘我哋就行去附近嘅孫中山紀念公園。。。 網上話有櫻花
花都唔見多朵邊有呀😑， 什麼木棉花 勒杜鵑 就有。。。

無聊影咗一陣我哋就過關呀。。。

過咗關我就帶佢哋去食開心花甲，

因為平，味道都ok所以帶佢哋試下。。。

之後就去酒店check-in呀~

酒店比想像中好， 超人要間大啲， 連埋稅都係三百幾蚊 ，不過就超大。。。 佢一個人住一晚都唔知點解要咁大間。。。

我同唔見全就各人book咗一間比較細 ，連埋稅約二百幾蚊左右。。。

呢間係我嘅房👇， 雖然比較細但唔錯乾乾淨淨

我哋各自返房休息個零鐘先至行出去，
見到間古色古香嘅拱北賓館

之後去華潤萬家超市度 掃貨， 掃貨完就攞啲零食過去四眼超人間房 開餐

食飽飽後我哋又各自返房有攤唞一陣😪,

夜啲先再出去食晚餐
到咗太陽落山我哋就行出去食晚餐，去陳記大排檔

上次同桃姐食嗰間 澳門坤富 就喺隔離。。

我哋叫咗啲 烤蠔。。

烤韭菜

唔記得咗咩雞。。。

酸辣土豆絲

椒鹽九肚魚

燒烤矮瓜

味道一般冇想像中咁好食。。。
之後 行下夜市， 可能太飽食唔落嘢😅

但行行竟然又想食甜品， 所以大家又去食糖水啦😀

食完糖水諗住返去酒店， 途經見到一檔燒餅👬👭🕴👫好多人幫襯

好奇心🤔下我哋買咗三個返酒店食

喺 酒店 樓下間士多買咗兩樽可樂， 晚餐啱啱先落㗎,咁快又到宵夜啦🤣

食埋個燒餅我哋就 各自 返房休息啦😴， 嗰三個燒餅冇想像中好食，一般啦。。 唔明點解成日都咁多人排隊買😕

瞓覺啦😴