新年珠海澳門hea到暈~day 2

到咗第二日,我哋瞓到自然醒， 其實八點幾已經起咗身喇， 我哋九點幾出門口睇下有冇咩食。。。
行去步行街,好多鋪頭都未開門😐

看到一間類似麵包店嘅地方見到入面居然有餃子賣，

都好新鮮現場即包， 見到咁我哋入去試下

見到有一碗碗好多花生,腐竹, 問佢竹咩嚟?佢話可以咁樣食,好好味喎👍， 我哋就買咗一碗嚟試下啦再加啲辣椒醬， 但覺得唔係好啱我哋口味， 不過餃子就唔錯💓

食飽我哋就行過去搭13號公車去圓明新園， 圓明新園因為係免費嘅,所以今日就過去睇下

行到車站啱啱走咗班車😥， 但之後等咗好耐,差唔多半個鐘頭有多,先至有第二班車， 里班車超多人😱。。。
好在路程唔遠,只係幾個站啫,唔係真係企死人😖
落咗車,竟然有個美食展😋,我哋就入去睇下有咩嘢食先😄

都係一般 大路野。。

之前聽人講話長沙臭豆腐好好味,雖然個賣相都幾核突😅,黑掹掹不過我哋都買咗碗嚟試下

雖然唔差,但係冇網上面啲人講到咁好食

之後畀啲 蝦棒吸引住， 好似好好味咁

真係好大支， 不過就唔好食嘅,入面好多粉😵

之後我哋正式過去隔離個圓明新園

今日可能仍然係假期，好多人呀💧！

見到好多大陸人著呢啲古裝服,走上台上面影相，

周圍都好多人,影相都比較難,所以都冇乜心機影...
早幾日天氣仲係好凍， 今日就真係 又熱又曬💥

入面啲小販賣啲野真係好搞笑,好有創意~

山明水秀,扒艇仔~

越危險嘅地方就越多人企， 明明有塊牌寫住危險勿近但就成班人系度

天氣真係又熱又曬好辛苦頂唔住呀😭💦， 係時候撤退啦
行出去見到個小販攞住一大堆氣球

之後返去酒店沖個涼,午睡好過啦,返到大陸,變咗大陸人要午睡😪

休息咗個零鐘兩個鐘我哋又出返去街， 見到個鮮芋仙就入去食下冰 解暑

味道不過不失

又去華潤萬家到行,逛下,再買啲食物返酒店食

食個晚餐.我哋睇下電視休息咗一陣,又再出去行街

酒店附近條橫街好多小販夜晚先活動......

肚姐話好鍾意飲燉湯， 咁啱又俾我哋見到有得賣

我就叫咗碗胡椒豬肚湯， 碗湯好多淮山

食完碗湯我已經飽到上心口到埋喉嚨， 但個黑洞肚姐仲話要食,真係服咗佢， 我要投降啦，
我戰鬥力弱無辦法,真係係時候返酒店瞓瞓覺😴