今年過年我哋又去珠海澳門玩， book酒店都係個幾月前開始睇， 澳門酒店真係超貴😓， 平時幾百蚊啲cheap酒店而家都起價過千😱， 所以都係過珠海嗰邊酒店住，
一啲平靚正嘅酒店亦都已經好似冇房， 只有一啲book咗唔可以退款嘅房， 為求保障我都係搵啲可以退款嘅嚟book， 雖然貴少少但好過有事過唔到嚟嘥哂啲錢。。。。
搵咗幾間搵到間價錢比較合理,但係位置喺邊😵我真係唔知嘅粵海酒店。。。
網上有人話遠亦有人話位置唔錯， 唔緊要啦反正都係hea遊,照book啦。
我哋訂2月18號至到21號,今次住三晚， 酒店係可以退款㗎， 四日 酒店房連稅 價錢係$1691， 今次我哋book咗商務兩床房係比較貴小小嘅房間，不過價錢都好平😄~
講返船票,但就好奇怪😕， 我就真係從來都冇諗過要買定船票， 諗住出發日去到碼頭先買。。
但我哋出發日係年初三， 年初二晚 我忽然有少少驚， 驚到時淨係得下晝四,五點嘅船飛， 去到珠海時已經夜晚啦， 我又唔識去粵海酒店， 到時咪要 摸黑搵路😰。
唔係!💪都係上網 買定船票先， 上金光飛航網站搵， 只剩返啲三點幾之後嘅船飛， 再去噴射飛航網站搵， 見到亦只有淨返兩點幾之後嘅船飛
我whatsapp問阿肚姐， 如果冇普通客位船票 我哋買 金光頭船票好唔好 ?反正都係貴少少啫， 因為普通船飛 啲時間好晏我唔想咁夜過珠海， 佢話冇問題咁我就去馬啦😒
點知畀我再去噴射飛航網站度再睇， 竟然有12點45分班普通船 我即刻 買船飛😁，( 有可能係加班船)。。。
下次唔好咁蠢， 大時大節過澳門一定要買咗船飛先😑
即刻上網買👇
\
之前我去鴨記度買電話卡， 因為今次澳門珠海兩邊走💃， 去四日咁多， 唔想成日換卡， 所以想搵張澳門中國可以用嘅電話卡，
行咗幾間都搵唔到有四日上網嘅卡， 啲姐姐仔👧話四日嗰啲上網卡好唔穩定成日斷線不如買呢張八日卡啦( 唔知有冇老點我😬，不過算啦我都唔識），
我心諗雖然8日卡係貴啲,但算啦一次半次， 不過淨返嗰四日冇得用真係好浪費💧
唔記得用咗80蚊定90蚊買咗呢張卡， 不過超好用.用咗四日都好順從來冇 斷過線,係珠海都可以日日上facebook, whatsapp.又可以用到google地圖~
到咗第二日我就去碼頭到 換船飛， 不過超多人買船飛幾乎好多都係大陸人。。。。
換到船飛我就同肚姐會合一齊上船啦
同我哋上次 珠海遊 一樣， 搭發財車去金沙，再轉金沙發財車去關閘。。。
因為肚姐冇喺香港換定啲人民幣， 所以要去珠海商場換錢店舖換錢，之後 去食開心花甲
雖然味道一般,不過勝在平
食飽飽我哋就拖住個喼去搵我哋今次住嘅酒店啦， 其實真係唔知喺邊邊?，
但係我離遠就見到我哋間酒店過樓頂， 大大隻字寫住GD, GD 即係粵海酒店啦,我就見住個目標方向行😁
左轉右轉 終於搵到我哋間酒店， 酒店比想像中大👍
我哋check咗in上到房, 今次真係有好大嘅驚喜😄, 間房比想像中好同大 真係好抵住👏
乾乾淨淨都唔錯，我仲影咗條短片添
不知不覺都開始入夜啦,咁我哋都出去食晚餐， 不過去搵食晚餐之前,我地去咗華潤萬家個超市度,買咗一堆零食返酒店先😄
返酒店放好啲戰利品,我哋就行出去搵嘢食， 可能仍然係年初三 ,有好多食店冇開 不過相對比澳門就好好多,基本上都有一大半 食店 開咗。。。
知道附近有間陳記大排檔,因為過年期間佢冇開,所以我哋去咗隔離間澳门坤富烧鹅美食。。。。
因為年初三,老細話唔好意思今日要加10%, 聽日之後就唔使....
我地聽到話唔緊要啦,坐低就照食啦👌
諗住 叫碟菜 叫碟肉叫碟飯， 問個侍應邊樣肉好食佢話如果我哋食得辣嘅就叫個水煮牛肉， 碗水煮牛肉又真係幾好味喎
之後我哋又叫咗幾碟餸， 不過出 餸菜 嘅效率真係好慢， 坐咗成個鐘 都未出齊， 漏 單 漏 得好犀利。。。
都唔知係咪啲夥記廚師全部返鄉下 唔夠人手
不過今餐的餸菜味道真係唔差都幾好味😋。。。
返到酒店望住我今日買嘅零食， 真係好飽食唔落留返聽晚啦
沒有留言:
張貼留言