今日棗棗 個鬧鐘 三點幾響一次， 五點幾又響一次， 真係唔知佢咩事， 因為佢要朝頭早沖涼洗頭， 所以佢要 七點 半起身， 但 七點 半個鬧鐘冇響喎， 當我 八 鐘起身時， 佢仲未起身， 我同佢講已經 八點啦， 佢就好匆忙咁起身啦。。。。
今日我地去酒店附近間叫hohong的買三文治食，因為間店只有門口幾張 櫈坐，所以我地買外賣，過去 隔離間Hotel Skypark Myeongdong Ⅱ個休息室食早餐。。。
個休息室 基本上冇人會落去食嘢， 所以環境好乾淨
隔離仲有洗衣機同乾衣機， 我哋琴晚都落咗嚟洗衫同乾衣。。。
我哋兩個各買咗牛肉大漢堡同一杯熱飲
個牛肉大漢堡好多牛肉，我哋食得好論盡。。
其實真係幾好食。
食飽後我哋搭地鐵去天空公園， 搭地鐵站去世界盃體育場， 因為要避過返工時間， 所以我哋食完早餐,9點幾10點先出發。。。
我地係1號出口，諗住跟住韓巢地圖行
唔知我地唔識睇地圖,定韓好韓巢欺騙我地,結果越行越遠,唔知去咗邊....
行行吓,見到堆似芒草物體,影住先扮吓去到先....😏
後來攞番電話出吸嚟， 發現原來我有 截圖 點樣去天空公園， 跟住看圖去 ( 真係好多謝網上面 好心嘅網友畫圖片教點樣去)
經過一個停車場， 發現附近有一棵楓樹， d楓葉生得好紅好 假， 唔知以為係 假樹。。。
.
終於見到藍色天橋, 知道冇行錯路, 亦都表示好快就可以到天空公園....
nice....
我哋一直 行...
去天空公園有兩個方法， 一係行好長嘅樓梯， 一係搭車去， 我哋咁懶 ，一定搭車去啦
買咗來回車飛， 我哋就上車去喇。。。
上到去， 地方好大 ，唔知點行 ，都係亂咁行啦。。。
見到有幼稚園旅行， 其中兩個小朋友喺度玩地下啲沙， 點解咁污糟㗎。。。
周圍都係 芒草， 但好多都枯曬㗎啦。。。
今日好熱， 天氣好好 ，個天非常之藍。
其實有啲芒草 ，已經被收割咗， 所以有部分冇咗一大片
不過都影相靚唔靚 ，夠我哋影咗一日~
我哋繼續行 ,見咗個展望台， 上面企滿曬人
我哋行到上去， 好像有啲人已經走咗， 所以可以影到相
展望台上面睇， 真係一望無際 ，非常之大。。。。
影到咁上下， 我哋 行返落去， 我攞返張飛出嚟 ,排隊搭返車落去， 點知咁啱 ，搭返我哋頭先搭上嚟架車 ，連個司機都認得我哋。。。
因為個司機同我哋傾過偈， 問我哋係咩人 我哋話香港， 佢話香港 人 好， 哈哈。。 唔知係咪 擦鞋。。。。
落咗車 原來越下午越多人上去， 見到好多人排隊搭車，
我哋行返出去， 沿路好多紅葉樹。。。
可能十一月係秋季旅行 ，好多時都見到有學生嚟旅行
行到條橋， 應該好快就可以行到地鐵站， 我哋下個站, 去望遠市場食野。。
出到地鐵站2號出口, 跟住電話上嘅資料 慢慢行過去， 好容易就搵到啦
望遠市場係一個好傳統嘅韓國市場， 入面好少外國遊客， 所以全部都係韓文字
睇網上資料 有間食刀削麵很有名 所以就過去試。。
因為語言不通 唯有看圖識字 手指指3000。。。
原來一碗好大碗㗎， 唔怪得之見到好多韓國人 ,兩個食一碗。。。
食到飽到上心口。。。
之後 去食炸雞。。。
因為太飽， 唔會食咁大隻炸雞
食下呢啲細細杯嘅炸雞， 因為全韓文 都係斷估冇辛苦
叫咗杯好似有芝士味嘅炸雞
棗棗好嬲，話佢地詭我地，見當地人有兩粒年榚，我地得一粒，我話算啦，我暫時唔食得糯米做的食物。。
唔知係我地太飽,定這個味麻麻。。
之後一直行 知道有間好似賣可樂餅
終於搵到呢間
又係全韓文,唔識字, 唯有睇下前面啲人買咩,我哋就買咩餅, 結果都係覺得味道一般(我地一定太飽)
之後行返出嚟 ,打算離開市場 ,見到有間 麵包舖, 賣香蕉麵包 ,真係好似香蕉 ,但係太飽 冇買嚟試...
之後搭地鐵去光化門5號出口直行 ,
因為知道佢哋有個首爾燈節 ,想過去影番幾張相...
可惜我電話已經冇電 剩番好少好少電
有好多人放蓮花燈。。。
點知行吓吓，我同棗棗失敗咗。。
我因為電話冇電,諗住等佢 搵我，咪一直向前行影相，等佢whatsapp我, 過咗好耐，佢終於whatsapp 我，原來我地一個係前，一個係後，
佢發脾氣，話唔行，行咗去我地行個起點,又話我行得快唔見人(佢行得太慢就真)。。
其實走失咗，使咩行返起點。。。
可以繼續影相，然後話喺邊度再等，再回合咪得囉， 發什麼脾氣啫， 大家都有唔啱啦。。。
所以我唔鬼理佢， 影多幾張先返過去。。。
如果唔係大家失散咗，我可以影得仲多相 ，影咗一半我就行返過去啦， 過隧道時見到d 塗鴉, 夜晚睇落嚟都幾 靚
天橋上面 ，見到好多人攞住入面有LED燈嘅氣球。。。
其實都夜晚十點幾，我哋都應該要搭地鐵返去啦。。
大家過咗啖啖氣就冇野.....
返到去明洞 個肚仍然好飽，所以去便利店食麵,條香腸食算
可能近幾年肥咗,食少咗減肥,結果令個胃細咗~
沒有留言:
張貼留言