韓國秋天七天之旅第四天

原本今日行程去仁川，但天氣預報話會落雨，所以改去新村，梨大
今日會以shopping, hea遊為主。。

住咗幾日，都冇影過酒店房門相，今次住公主房的門口

再行去lift 口附近影返幾張作留念~

今日唔使咁早起身，所以9點幾先行去食早餐。。
今次去食粥。。。

味家本粥，喺雪濃湯樓上。。。

去到時都有人排緊隊， 所以我哋都等著一陣先入去食~

今次叫咗佢個招牌粥參雞粥， 韓國啲粥都唔會好難食嘅，不過真係幾好食！
食飽返酒店坐一陣然後十點幾，先 搭地鐵 出發去新村
今次又係去食企牛。。
今次去到時都已經十一點半，但仍然未開門。。。

要排隊等到12點先可以入去食~

每人要叫一份牛，一份牛15000won， 而最低消費係兩份牛即係三萬圜。。。
我哋一入到去，呀豬媽就幫我哋準備咗兩份牛放去燒。。
我哋一路燒，一路不停影相。。。

隔離嗰對韓國人，見到就好主動咁話幫我哋影張合照。。
之後我哋禮尚往來都幫佢影番張合照~

每次嚟食，我哋都覺得好好食。。。

食飽之後行出去，就見到落大雨啦。。。
為咗避雨，我哋入咗間咖啡店飲咖啡。。

當雨細咗，我哋就行返出去，好可惜我對 波鞋，襪 已經濕曬。。
因為今次我諗住買過對鞋，所以著住對裂底波鞋嚟😁

之後 去 Shoopen shopping....
係入面睇咗好耐，結果只買咗對波鞋
我地換過對鞋，又行返過地鐵另一個出口，去食新村疙瘩麪。。

係網上見，話里間麪店好好味。。。

我地叫咗個紫菜包飯。。。

每人叫咗一碗疙瘩麵，味道唔錯，反而個紫菜包飯就一般。。

我地見到門口個位置好懷舊。。。

之後去梨大買面膜，之前話唔再買護膚品，但見買十送十，所以忍唔住手。。
之後見有時間，我地去首爾站間樂天超市大出血。。。
之後返去明洞，放低d戰利品，係房休息一陣。。
到晚上10點左右，我地行出明洞，是但搵一間食店食我地晚餐。。

食飽都11點左右，行咗一陣街，我地返酒店休息,今日真係好hea~