到咗第六日， 今日算係好悠閒嘅一日，
琴日食得好飽今日起身都唔係太肚餓， 又唔知去邊度食早餐， 所以喺明洞附近搵咗一間食餃子拉麵嘅店。。。 見佢圖片幾靚所以入去食
叫咗一碗拉麵一碟餃子， 一個好簡單嘅早餐。。。
之後就搭地鐵去首爾兒童大公園 (서울어린이대공원)， 幾年前已經去過，
今年再去多次,因為今年係秋天去,網上面話有好多銀杏樹。。。
今次唔喺兒童大公園站落車，而係去峨嵯站落
行冇幾遠就見到銀杏樹， 不過好多樹已經枯咗啦
個公園門口都幾靚
入面都有整排嘅銀杏樹。。。。。
同埋有啲荒廢咗嘅機動遊戲機。。。
呢個咁靚嘅蘑菇屋，其實係廁所嚟㗎
附近有個空地有好多楓樹， d楓葉變到好紅好靚
其實呢度都係一個小小嘅空地， 見到有一個韓國家庭喺度搭營。。。。
既然係兒童大公園，入面當然有動物園啦
今日雖然係星期日,人流都唔係太多,所以行得都好 舒服,
有各式各樣嘅動物， 有好多動物我都未見過呀
不過好多動物都瞓緊覺，唔知係瞓覺定冬眠
最受歡迎都係呢啲梅花鹿， 好多小朋友爭住餵佢哋
之後行返出去， 因為喺動物園都逗留咗好多時間 ,要去下一個景點， 所以都去附近,是但搵一間食店
唔知食咩所以就選咗呢間， 叫咗一碟蛋包飯
一碟炸醬麵， 我哋呢兩個大食怪獸，都開始冇咁大食
食飽飽就搭地鐵去奧林匹克公園
奧林匹克公園個地標，一出地鐵就見到啦
因為有個藝術畫展所以掛滿旗
亦可見到好多銀杏樹
行到入去真係風景如畫
今次嚟嘅目的係想影孤獨的樹， 因為係星期日所以好多人
等咗好耐,等啲人散咁啲,我哋先可以影一幅比較清嘅樹
忽然見到有隻兔仔,以為有人帶嚟嘅， 原來係冇人養㗎，係流浪兔, 但佢唔驚人你摸佢佢都唔會走。。。
不知不覺都開始黃昏,天氣都開始凍,我哋都開始撤退啦!
咁大個人第一次見到柿樹， 而且 樹上面有好多柿子
，
我返出去見到成地都係煙，噴咗好多煙出嚟，唔知係咩搞作。。。
熊熊聖火
見時間唔早我哋搭地鐵，。。。。。
返去唔明洞買手信，行街
到咗夜晚11點幾覺得應該係要去食晚餐,就去明洞附近行， 去我哋對上一次食過嘅貝殼 總店 조가비 본점， 上次覺得呢間唔錯所以今次再嚟食
我哋每人叫咗杯提子汁味道都唔錯
但啲海鮮就冇上次咁好，食物，唔知係唔新鮮呀定煮得熟得滯覺得 唔係咁好食。。。。
沒有留言:
張貼留言