韓國秋天七天之旅第五天

琴晚又係好夜先至瞓， 今日因為要去仁川漁市場所以比較早起身。。。

今日清淡啲，食杯麵😁，去7仔 買加多隻糖心蛋。。
買咗返個隔離酒店過休息室食。。。

因為韓元都所剩無多，所以要兌換啦，去咗酒店附近間7仔換，如果日間換，兌換率同大使館差不多，所以懶得行咁遠。。。
之後就搭地鐵去仁川蘇萊浦口食海鮮。。。

車程真係遠，要個幾鐘頭車。。。。


去到蘇萊浦口站，我地行去漁市場先。。。

見到個漁港，天上面好多 海鷗

岸邊有好多小販，賣魚蝦蟹。。。

開始時，我以為賣咩 好嘢，我走過去睇 ，發現原來全部都係好細嘅魚 ，好細嘅蝦， 而且氣味好臭 其實佢哋買返去，唔知係咪用嚟做 醬料?😶。

睇完當地人 既買賣之後 ，我哋就去搵海鮮食

行咗幾個圈 ， 都係是但搵一間去食， 見呢間門面幾靚 ，就喺門口同阿豬媽買啲海鮮入去食

我哋指定 動作 長腳蟹

加隻八爪魚， 因為棗棗話唔食八爪魚，所以我就買咗好少

佢哋送多幾隻蝦畀我哋食。。。

超大隻，隻蟹約港幣500左右

見 隔離枱個個都食蟹煲， 但我哋人少所以冇叫，
又見到原來係有拆蟹服務， 知道我哋都叫佢拆埋唔使自己搣得咁辛苦。。。

食飽後我哋就行出魚市場，

個市場除咗有新鮮嘅海鮮買之外， 有其他熟食。。。

有紫菜賣賣得好平 不過冇獨立包裝，所以我冇買

又有醬油蟹賣， 我就冇買喇因為我覺得攞返香港好麻煩，

之後行去蘇萊鐵橋。。。。

鐵橋原本是火車專用橋，現改變成行人橋

仍然見到火車軌道

之後再去蘇來濕地生態公園

可能天氣好呀影出嚟嘅相都好靚

一直都唔知係咩,原來係鹽田。

見到三台風車的

呢個生態公園都好多芒草。。。

再行前啲就見到三個風車

風車有7m高,所以行遠些影~

因為接近黃昏天氣都越嚟越凍

太陽落咗山，我哋著嘅衫都唔夠暖，所以都要走啦

搭地鐵去東仁川站，我哋去食炸雞

當然去番上次食嗰間元祖炸雞(원조 신포 닭강정)啦 

每次食都覺得咁好味。。。。

再行吓新浦市場

之後就搭地鐵返明洞~