韓國秋天七天之旅第七天

不知不覺已經到咗最後一日， 今日可以  遲起身😆😆，

 執好行李， 退房啦。。。
今日係比較hea的一日。。。
我哋搭地鐵去廣藏市場食早餐， 去到時 是但搵一間食

見到個阿豬媽熱情💓💓咁樣叫我哋坐， 我哋就坐低咗啦

叫咗啲紫菜包飯同米粉

我喺度自拍時， 阿豬媽好醒目咁擺一個v字手勢

 味道都唔錯,好地道嘅個早餐😋
之後就周圍行下，

其實有好多食物都想食， 但唔知點解我哋個胃真係好似細咗好多。。。

行行下見到有南瓜粥同埋紅豆粥， 聽人講都好似唔錯

所以我哋都每樣叫一碗， 不過始終覺得香港嗰啲好食啲

之後就係廣藏市場度買下手信， 其實我哋買咗好多嘢食， 因為有得試食,所以我哋一路食一路買。。。
因為臨近冬天， 韓國啲衫褲賣嘅都比較厚， 我就揀啲比較薄啲 嘅 ,買咗一條男裝 褲一條女裝 褲俾我爸爸媽媽👴👵

因為顧住買嘢所以就冇影相😅
呢度啲韓服都變咗冬裝， 真係幾靚不過唔啱香港著

有各式各樣嘅小朋友韓服 

之後又去中部市場， 雖然喺廣藏市場我都買咗好多魷魚絲同埋 雞泡魚乾， 但唔知點解對中部市場有情意結,一定要過嚟再買雞泡魚乾

慢慢行,慢慢買,不知不覺都差唔多成一點鐘,。。。

返到明洞原本諗住去食 吉列豬扒飯， 但因為時間有限唔想嘥時間去等位， 所以都係去返 Hobong 嗰度買三文治

即叫即做。。。。

今次我就叫咗杯奇異果汁， 用新鮮奇異果 攪碎， 真係幾好飲

棗棗今次就冇嗌嘢飲，佢都係喺休息室度攞杯免費咖啡飲

之後我哋將買咗嘅手信放去行李度， 因為之前我哋已經book咗酒店嘅去免費shuttle bus去首爾站， 所以乖乖哋留喺酒店到等三點鐘嘅shuttle bus

今次寄倉行李可以23kg x 2, 所以今次行李好多好重~

今次間酒店真係好方便,有車送到去首爾站， 所以我哋今次就搭機鐵去機場啦。。。去到機場原本排隊去人手check in個櫃檯,順便攞埋電子機票， 但個航空公司個職員就叫我哋唔使排隊,點我哋去自助 in機度， 係check到 in， 但我哋兩個passport唔知點解喺個機度出唔到機票，

 結果又要再去詢問處排隊搞， 今次排咗好耐,成個鐘有多,因為詢問處問野d人好煩,問好耐,搞咗好耐先排到我地,至攞到機票， 

都唔知點解航空公司咁鬼煩， 其實櫃檯果邊都唔多人排隊,點我地嚟里度,時間重用多咗,好在我地今次唔打算退稅,同埋預早好多時間。。。。。

每次我哋都要去機場度玩下個小手工， 今次係機場唔食嘢都要去玩啦。。。

今次個手工係衣櫃， 呢個只係一個裝飾品

做完小手工,佢地畀個好靚嘅盒仔裝我地個完成品

過咗冇耐我哋就可以過去登機， 

喺飛機上我哋照樣食韓式拌飯。。。 

今次韓國7日之旅 就咁完咗啦😢