糊塗大阪之旅~Day 2

為咗用盡大阪周遊卡，我地日本時間7:00鐘morning call,然後8:00出門，之後落地下街吃早餐。。。(因為我倆早上先洗頭，所以要預早起床)

會合咗果兩個白痴男，我地從地下街出發，發覺好多食店都沒有開::cc4096 。。。。

一直行，只見一些賣麪包的食店有開，行咗幾間，揀咗韓國品牌的漢堡包店。。

係韓國時無幫襯，竟然去日本到先嚟幫襯。。。
叫了煙肉芝漢堡加凍咖啡。。。

個漢堡包味道不錯，不過真身好細::mm1580 。。。

食飽後，行去搭地鐵，今次識行，很順利到地鐵。。。車費免費，因為用大阪周遊卡::mm2217 。。。

好快就到達。。。之後跟住人行::cc4171 ，(因為懶得睇地圖，見到有人行，就當佢行去大阪城公園)。。。一路行，見到好多黃黃，紅紅的葉。。

風景唔錯::vv4005 ~

原來大阪城離地鐵都有一段路，但都唔難找。。。

行入城門。。。

離遠見到天守閣。。。

有一棵應該係銀杏樹，d葉好全黃，好靚::cc4115 ，我地狂影。。。。

因為大阪周遊卡包埋入場費，當然入天守閣啦

內裏有幾層展覽館，其中兩層係禁止拍攝的。。

最上一層係瞭望台，

可以展望一吓大阪景色。。。

之後落返去，見到有小食亭，小賣店，我地當然参觀一吓。。

我地買咗蕃薯，烤年糕吃。。

都係蕃薯好吃，蕃薯好甜

之後行去另一檔。。

有賣魷魚薄餅。。。將一個魷魚，加上麪粉

夾一夾

就烤出塊大薄餅。。。

比塊面還大，試吓無防

附近有個西之丸庭園，因為要收入場費，但用大阪周遊卡係免費，當然入去。。

但入到去，只有光禿禿的樹枝，同數量唔多的紅葉，所以有點失望::cc4104 ，不過聽聞，到了春天，這裏有好多櫻花開。。

影咗幾張，開始落毛毛雨，我地都走啦

行返地鐵站附近。。。

對面有間大阪歷史博物館

用周遊卡係免費，當然入去啦。。。。

見到班小學生，可能係秋季旅遊，

搭扶手電梯途中，見到街景好靚，馬上行去影一張

入到去大阪古時。。

大阪歷史唔熟識。。

落一層，到大大阪時代，可能就較近代。。。

感覺係近代史。。。

傻老幫成個賊咁。。。

好快又睇完，(其實都行咗個幾鐘)，要出返去，
一出去，又見到棵紅葉樹。。Nice!

冰姐話昨晚係黑門市場見到d平襪，好後悔沒有買。。。
沒有問題，今日再去黑門市場，反正昨晚好多店都關了，今日再去。。

去到昨晚冰姐睇中的雜貨店買襪之後，去飲杯網上推介間豆漿店。。

老字號，80年，應該係這家高橋食品店。。

豆漿濃郁，好味，不過唔係平時飲的甜豆漿，有少少咸味~

佢地話肚餓，今日再去昨晚找不到的北極星蛋包飯

今日電話上到網，可以靠網上路線。。
攞住個電話，跟著行，終於搵到啦::cc4138 ~

一入到去，見到鞋櫃，要脫鞋放入櫃，先可以進入去,

要入100日圓,不過走時可以取回100日圓

經過一個日本庭園。。

進入食堂，可能都成兩點，已經過了午飯時間，所以好多位。。

好舒服。。。

我叫個人氣之作，鷄肉蛋包飯

Yammy,好味~

再叫炸雞，都ok~

天氣唔好，一直落雨，我地行去，本應想搭道頓堀水上觀光船，但冰姐話唔搭。。。
好可惜::vv4002 ，用周遊卡可以免費，但搭唔成。。

唔搭算啦，行去心齋橋shopping..。，有人要幫人買野。。

之後我地見到藥品店，行入去大shopping.......
店內張貼話買夠5000日元，可以退稅 ，所以我地拼命買~

為咗退稅，大家好似傻瓜，買咗好多未想過要買的東西。。。

因為落雨，感覺掃興。。。都八點幾，要吃晚餐，我地打算去心齋橋附近的力丸燒肉放題，

冇訂位，打算靠運氣，睇吓有沒有位。。。

途經見到百力滋燈箱，當然拍低，因為係標記。。

因為地圖搵唔到力丸，但記得力丸係PABLO 半熟起司蛋糕店附近，所以上網搵，好快就搵到PABLO 半熟起司蛋糕店，但行咗幾個圈都搵唔到力丸。。。

後冰姐話試吓問派傳單個男人，開始時，都覺得不好意思，因為這個人始終係第二間食店職員，好似唔多好，但大家 試過係韓國，香港,台灣,問A食店職員去B店食野，個職員都好願意答，而且好有禮貌,所以大家大胆去問，解知個男人，望了我地一眼，眼勵勵，然後擰轉頭。。。
可怒也!::vv4003 以前日本人好有善，今次竟然遇見個冇禮之人::cc4102 !

唔服氣，左穿右插，被我搵到原來心齋橋有另一間較細間PABLO 半熟起司蛋糕店的。。。再行出d,就搵到力丸。。

我將里個好消息話比大家聽，然後帶路行去。。。
上到力丸問。。。。冇book位，冇得入。。。唉::mm2414 ，真係白行。。。
唯有搵過第二間。。。。佢地今晚好似非吃燒肉不可，最後都係是是但但搵咗一間吃燒肉。。。

沒有放題吃，因為日本有好多餐廳都指定每人要叫一個食物或餐，所以我地每人叫咗一個餐。。。

有前菜，有小食，不過好奇怪，有生椰菜。。

以我所知，椰菜唔可以生食，因為太硬。。

冰姐就夾去燒，結果燒燶都唔食得。。

BBQ在我眼中係好好味，所以今餐都唔錯，不埋單時都唔平，差不多二萬::_2290 。。。

食飽後，我話來大阪一定要吃章魚燒。。。

佢地去買，結果買咗這個口味。。。我見到眼都突，點解章魚燒有隻生蛋。。。
個傻老幫話，唔知呀，得幾款叫，這款係Top one....
呀~~大笨蛋呀::_370 。。。

算啦，冇辦法，照食。。。食過後，因為落雨冇心機，搭地鐵返酒店。。

返到梅田站，途經見到有用膠樽做的雪人。。

聖誕樹。。。。

地下街有很多汽水機，發現有部只售50日圓一罐咖啡，綠茶，所以我同冰姐㩒咗幾罐，留返明天飲，之後去便利店買了幾樽可樂返去消夜。。。
Yeah,今晚買咗我想食好耐的起司蛋糕，

真係好好味，回味無窮::cc4001 ~