糊塗大阪之旅~Day 1

每次去旅行前，我都會預先plan好行程和路線，今次大阪之旅，我事前只plan去那裡，卻沒有plan怎樣行，點樣去，結果就出事啦。。。::vv4045 

(因為太忙，之前因為太多地方去玩::vv4033 ，所以沒時間plan大阪)

今次仍然買package,因為方便又平，一樣團體票。。。。。，五日四夜，搭印度航空，住大阪第一飯店，都係五千幾蚊港幣，真係好平。。。到咗11月24日，出發日，因為搭早上7點45分班機，所以要搭零晨3點50班通宵巴士。。。未出發先失魂，以往我搭機場巴士都係我屋企附近的巴士總站搭，

係出發前一晚，我上網check巴士路線時，發覺通宵機場巴士總站，已經改去咗第二個屋邨。。。

到咗出發日，我零晨三點半出門口，竟然好似患上失憶症::_2432 ，拖住個行李行去平時搭開個巴士總站，去到時，見到四周黑漆漆。。忽然醒覺，巴士改咗唔線。。。OMG!即時慌串大亂::vv4034 。。。巴士站在那?唔理三七廿一，拉住個行李衝去對面馬路。。。去到時見到有兩個人放咗兩個喼在等巴士，即時放下心頭大石::vv4018 ，再望吓巴士站路線，今次岩啦~坐咗成兩個鐘先到機場!

去到機場時都五點幾，櫃檯未開~(但搭遲一班車，要4點20分一定遲到)等咗十幾分鐘，印度航空櫃檯開囉，搭印航超多人，原來有旅行團。。。機場好多食店都裝修，太早，選擇不多最後又係去麥當當。。。。

今次帶住金子妹妹去::vv4059 。。

係麥當當，坐了一陣，便入去禁區等上機。。。點知行入去侯機處，已經開始上機，比預期早。。。。

一直都擔心印航不好，其實除了機內有少少印度味外，每樣都唔錯，機倉好大。。。

又有叉電位

個窗係變色窗，㩒個制就變深藍色

飛機餐同平時食開一樣，唔算差，亦唔算好食

坐咗三個幾鐘頭機，終於咗關西機場。。。落咗機，首先坐無人駕駛。。。

我地係行李輸送帶，攞咗行李，出海關前研究張海關紙是否只填一張就可以，大家商量後，唔理啦，一張填四個，一齊出啦。。

出咗去之後，冰姐問我個喼呢?::vv4049 

噢，唔記得攞，我即係衝返入去攞，個海關職員以為我咩事，追住我，我指住話忘記行李，他們即刻笑。。。

瘀爆~::vv4002 

出返去，入返張電話卡，張卡係深水埗鴨記買，我驚我部三叔機唔支援4G卡，所以問阿哥借咗部紅米，點知入咗張卡，set好都上唔到網::vv4049 。。。。
唔理住，去以下張相個櫃檯去買大阪周遊咭，因為大家一早已經商量好買二日卷，所以唔打算買其他

大阪周遊卡有樣好處，3000日元(兩天)，包埋交通(只限搭地鐵，巴士)同入場費，又岩哂我這種懶人::cc4138 ，只要跟想去的景點plan行程

(不過要兩天連續使用，不可間斷)

買過周遊卡，見到有免費Wi-fi登記::cc4115 ，有工作人員幫你set電話。。。話說登記後，可以免費上200000個wi-fi熱門地點(可惜我去的景點,好多都沒有免費Wi-fi)

Set好哂免費Wi-fi，我地就去搭JR去酒店，

藍色部份就係JR,橙色係南海電鐵,南海較多人搭,可能較快同平,但我唔想轉車,所以都係搭JR

個買票機真係考起我地，所以望人地點買。。。。原來好易，一望就明，我地好輕易就買咗四張票。。

離開前，影張合照先。。

落到車站時，記得搭大阪環狀線，但恐防搭錯車，上車前問問車長是否到大阪駅
上到車，發覺沒有地方放行李，唯有放在自己隔離。。。

車程都幾長，要成70分鐘。。。

到咗大阪駅，簡直像迷宮，我地唔知點行::_379 。。。遊來遊去，結果搵到詢問處，個小姐攞張地圖出嚟，好清楚教我地點行。。終於出到地面::_368 

出咗路面，我就知點行，過咗條馬路，話咁快就到酒店。。。

Check in後，已經有房，

攞到房時，我同冰姐間房超細，似單人房多，沒衣櫃，行李喼都難開，床都比想像中小::_370 ，
相反果兩條友間房，大過我地好多，又有衣櫃。。。
不過算啦，反正我地都係早出晚歸，最緊要乾淨。。。

是咁的:

(我地9月尾買package,當時旅行社話已經冇哂酒店房，只剩大阪第一的semi-double room,如果要里間房，即時可確認，其餘一間可以幫我地問，職員話只要訂咗里間semi-double room，其餘一間爭取到機會好大。。。

我地信職員，一間要semi-double,一間要twin....,雖然好想要兩間twin,而且Twin房價錢只係貴百幾元。。。沒辦法，真的驚book唔到房。。。)

放好行李，我地搭地鐵去黑門市場掃街。。

去到梅田地下街，又好似迷宮。。跟人行，睇指示牌(指示牌唔太清晰)。。盲中中行::kk3103 ，最後都搵到地鐵站，可以買票到日本橋。。。

到咗日本橋站10號出口，行幾分鐘就到黑門市場。。。
去到時，好多店舖都關門::kk3055 。。。(我地浪費太多時候搵路,結果黃昏先到)

其實佢地一早叫肚餓，嚟到見到真係有d失望。。。

有燒烤，我地買咗兩串帶子。。。

原來咁樣燒烤。。。

見到有大福餅，好似好味，每人揀了一粒買

我揀咗朱古力士多啤梨，好味呀，可惜唔可以放得耐，所以冇買做手信。。。

係網上見到里個八爪魚，頭頂入面放咗粒鵪鶉蛋。。

冰姐唔信，不停話冇可能。。。
最後三對一，買咗嚟試，我冇錯，味道唔錯，可惜凍食，所以減分。。。不過膽固醇太高，一粒夠。。。

有海膽，不過我唔好。。。

見到神戶牛，傻仔幫好牛，話一定要試。。。

煎出一小碟，得幾塊。。。

可能落得鹽多，我覺得咸。。。

行經生果店，好多美味水果，重有最近好熱門的青提。。

原本去北極星食蛋包飯，因為電話卡set唔到上網，而我又唔識睇地圖，諗住靠果兩個男::mm2391 。。。。點知::_366 。。
問人又語言不通。。。最後都去唔到，結果去咗王將食拉麪

看圖識字，有我最愛糖心蛋。。。另外叫咗客餃子，

食飽後，因為今日早起身，又迷路，行到好累，所以早點返回酒店，
今次算經典，係黑門市場買咗幾包薯片，魷魚絲，花生，汽水當宵夜，結果被其他朋友笑，話人地去日本買魚生當宵夜，你地就食花生，薯片當宵夜::_364 。。。。

後記:
果兩個白痴男，係電話download咗句阿拉伯話，意思係求救說話。。。。。