糊塗大阪之旅~Day 3

到咗第三日，原本打算去吃其他早餐，但四周都係食麪包(其他店舖，全部開10點)。。。

最後都係去返早幾日食開間漢堡包店::mm1581 

食飽就出發去大阪今昔館，今日搭地鐵都係免費::vv4059 

係天神橋筋六丁目站3號出口，
大阪今昔館，好近地鐵站，一出地鐵就見到。。。
我地好醒，9:30 去到，已經有人排隊，

入到去換票，

然後除咗相機，我地將所有物品都放在Locker內。。。，但太蠢，忘記取銀包。。。::vv4034
我地咁早到，都是為咗排隊試穿浴衣。。。
浴衣要120日元半小時，幸好果兩個傻老有帶銀包，前面對韓國母女冇帶銀包，結果個女要行返落樓，去Locker攞返個銀包(>﹏<)

幸好早到，攞咗10:30票::vv4063 ，到時可以換衫。。
(多得網上d師姐師兄提示，好多10點幾來到的人，排隊試浴衣，都要輪到中午12點或以後)
因為未夠鐘試浴衣，所以我地四周影吓相。。

時間到了，各人揀咗件浴衣，雖然選擇不多，不過試穿吓又無防，好玩，有趣有趣 ＼(^o^)／::kk3107 

影前

又影後，我真係肥咗好多，要減肥減肥(>﹏<)

金子就自備和服╮(╯▽╰)╭

影到滿足哂，之後出去食飯。。。

天神橋筋商店街好長，我地慢慢行。。

D和服好靚。。。

原本plan定去食鰻魚飯，點知班友出發前又唔講，唔食鰻魚，去到先話（簡直激死人，出發前已經將行程，同食咩講哂比佢地知，冇人反對，嚟到先話唔食@_@)
算啦，是旦搵間食，佢地揀咗間中華料理～

叫做精養軒

每人叫咗個餐。。。有飯有湯

我個餐最多餸，不過大家價錢差不多，價錢不貴，味道都ok

食飽飽，出去行一行，因為下個行程係浸溫泉，冰姐話食飽唔好咁快浸住，所以我地行吓街先

肯德基爺爺咁快換上聖誕裝。。。

我地搵路去浪速之湯，因為我準備不足，諗住靠google map,點知google map 又冇浪速之湯。。。
唯有問人，雖然當地人樂意答我地，但覺得似老點，點都搵唔到。。。::kk3103
之後我同傻幫入咗間銀行問個食蕉叔叔，叔叔好熱心教我地，不過個傻幫，明明唔識日文，又要扮識，同個叔叔對答，不停答係，係，又答阿囉。。。個阿叔咪以為我地明，但我就聽到一頭煙。。
出咗門口，死傻幫又扮勁，話咁樣咁樣行，。。。話向前行，再轉左，就見到六丁目。。。我問佢，你明咩?佢話，你聽唔到咩?佢係咁講　。。。
點知又係迷路::vv4048 。。。。之後又反口話,我冇話識聽......

途經便利店，因為太累，入去飲吓咖啡，充吓電。。

傻老幫行到埋枱，倒瀉咖啡。。。笑大人個口.....:)) :)) :)) 

正當我攞出金子影相時，隔離個日本阿叔好開心，即時用日文同我傾計(其實我唔知佢講咩)::vv4049 

不停指住報紙日韓交流友好。。。。。
我明明同佢講我係香港人?

飲完咖啡，路經麥記，我地上去借厠所一用。。
里間麥記有兩層，厠所係樓上。。
我去過厠所，出嚟時見到"唔見全"同傻幫坐係度玩電話，我問佢地冰姐呢?佢地話冰姐落咗去咗買野食。。
吓?咁奇怪，之前佢先話浸溫泉前，唔好食甘飽，咩事呀?
唔理咁多，我坐低等佢。。。點知過咗成十分鐘都唔見人，咪打算落樓下睇吓咩事，一行落樓梯，就見到冰姐上嚟，佢話我地做咩咁耐唔落去，我話佢地話你去買野食。。
冰姐聽到，即刻鬧佢地，阿唔見全話傻幫講，傻幫就話隔離枱個日本人妻講。。。基本上對住佢兩個會爆炸~::mm2391 

激死之後，又要搵路去溫泉，路經見到個日本男，見佢係架車度攞日用品出嚟，即係居民啦，我即時上前問路。。
真係遇到個大好人，佢即時上網幫我地搵路，同時用簡單英文，教我地點行。。。講得好詳細。。。我地好感謝佢::uu7134 。。。
終於黃天不負有心人，搵到啦。。::vv4037 

上到去，第一件事，就是先將鞋子寄放在一旁的鞋櫃。需要投100円才能上鎖，不過用完畢會歸還100円, 

我地用150円購買一條毛巾。記得順便帶一個塑膠袋，方便裝濕掉的毛巾, 而洗髮乳、沐浴乳這裡都有供應。

泡湯先買票, (因為用大阪周遊卡，所以唔使錢)。。。再入去更衣室，(因為入面個個赤裸裸，唔方便影)，脫衣再去浸，爽呀～

浸咗個零兩個鐘，我地出返去，而天色都已經黑啦~

今次回程行去地鐵站，

穿過幾條街，竟然好順利去到地鐵

搭返地鐵去梅田，搭摩天輪

又係用大阪周遊卡，由梅田站行約五分鐘，就到HEP FIVE

大家排隊等上摩天輪

上到去，觀賞梅田夜景

之後打算行去藍天大廈。。，偶遇一個由香港嚟日本工作ga女仔，佢教我地點樣行去，不過佢話都幾遠。。::_379 

路程真係遠，覺得難搵路，加上大家今日都累，所以决定放棄，行返去酒店附近食飯算。。。

亂行，行入咗條食街，我地入咗間鐵板燒。。

食店表明，要一人叫一個餐，唔係唔做我地生意::kk3055 。。。
雖然都幾串，不過算啦，入鄉隨俗。。
叫咗兩個炒麪

大阪燒

蛋包飯

可能肚餓，味道都ok,但就唔夠飽。。

出咗門口，行不遠，見到吉野家，冰姐竟然話入去再食。。。(心諗唔係卦::cc4096 ，原來真@_@::_2114 )

，

叫咗碗牛肉飯，味道同香港大同小異，不過薑就任夾，唔似香港咁小家，收埋哂。。。

真實都抵食，都係380日元

之後又行返酒店，又返去食薯片當宵夜::_379 。。