韓國病之旅2013☆•*¨*☆第二天之一

第二朝瞓醒,d風癩重未退,琴晚已經好悽涼,見到d蟹唔食得,今日點算呀….

即刻入厠所,攞出d潤護露全身塗,心諗可能天氣太乾先出…

搞掂哂,就約埋一齊出去食早餐,諗住去食本粥,點知重未開門…搞錯呀,九點都重未開門,唯有搵過第二間~

搵到間食早餐,不過唔知叫咩名,好似電視台都訪問過~

我地每人叫咗碗麪,

而我同肚姐就每人叫咗一碗年榚湯,都幾好食

食飽之後我地搭地鐵去阿幫要求去….

 

三角地站,應該好多人都知,就係戰爭和平記念館~

係地鐵站已經感受到戰爭

一入到去真係好多野睇,而阿幫係真的瘋了

咁多野睇,都唔使錢,真係正~

睇完室外,睇室內…..

室內有短片睇,又有立體片睇,搞吓搞吓都成兩點,冰姐叫要走,傻仔幫唔想,冇辦法,一定要走~

我編咗每日行程係上午睇野,下午行街,所以下個站係新村~

我同棗棗都係新村食過里個燒牛肉,覺得好食,推介,咪帶佢地去…

佢地去到,見到環境好似唔多鐘意,但上次我同棗棗見到覺得不知幾特別,幾有風味~

佢地可能唔知韓牛貴,里度啲牛肉算抵,食完後佢地話貴,其實每人都係百幾蚊港紙啫

之後就掃街….

之後我發現唔見咗本行程簿,慘啦,唔見咗,餘吓行程

忽然記得可能留低咗係地鐵站厠所…..

我同阿傳嗱嗱聲走返去地鐵站搵