之後佢地話睇地圖返酒店,我自問係路痴,真係冇本事
原來佢地成班都一樣係路痴,行咗半個鐘都搵唔到路,結果一路問人一路慢慢搵,終於都返到酒店…..
返到酒店放低行李,坐一陣,就出發去明洞,我首先去大使館唱錢,果然抵過香港好多,之後去郵局寄信…..
因為有十分鐘就到六鐘,我同肚姐嗱嗱聲入去,結果被困郵局,因為一到六鐘郵局就拉哂閘,我地搵唔到路出去,好在咁岩有職員收工,咪跟住佢出去…..
冰姐佢地係門口等到傻,之後佢地去duty free買野,里度果然係強國人世界,我見到太多人,都冇咩興趣睇,佢地幾個都有買,不過買得唔多,所以d sales都唔多騷佢,而肚姐更加一肚氣,結果冇買,之後行返明洞大街食晚餐,原本plan咗食雪濃湯,但佢地話朝早已經食過湯飯,唔去囉~
慢慢行,佢地見到安東辣鷄,我話好辣架,你地食唔食到,佢地話ok冇問題
叫咗兩個人參鷄,一個海鮮辣鷄,不過小辣
食飽出到門口,見到落雨,天氣凍到要死,我地即刻走去搭地鐵返酒店休息~
沒有留言:
張貼留言