原本計劃好去食三文治,但佢地好似冇興趣,加上唔識路,所以佢地見到有食店職員好熱情咁叫我地入,佢地就入咗去
點知咁就中伏,因為我個胃不嬲有事,加上出風癩,所以冇咩胃口,再講飛機餐都未落隔,所以我同肚姐兩人叫咗一個餐,而我地張枱六個人,只叫四個餐,個老闆娘面口唔多好…..
阿幫個傻佬原來唔食紫菜,但佢就叫咗個石頭飯,佢夾走哂d紫菜,唔落醬,唔攪拌,一路食一路話唔好食
事實d野食麻麻,不過總算食飽…..
之後我見到原本計劃去食果間三文治店
我見到唔理咁多,照食….佢地見到又話食,結果買咗三份,兩人一份~本來叫d阿朱媽幫我地砌開,但佢地唔肯(忽然諗起如果係香港或台灣,佢地一定肯),唯有自己揻開佢
一食,嘩!好好味呀~
之後我地就去good morning city sparex~~上次我去沖涼同瞓覺,今次出風癩,唔沖啦,點知佢地又話唔沖
果度有汗蒸,咪叫佢地試吓,而我就去冷藏……
玩夠咪去瞓覺,一瞓就瞓到十一點,問佢地食唔食蛋,佢地話唔食,唔食咪走囉~
我就plan咗去廣藏市場食午餐,因為要滿足冰姐去街市ga願望
雖然近,但我唔識路,所以提議搭地鐵….你知韓國地鐵內要行好多路唔先搭到地鐵,結果佢鬼渣咁嘈,話搭得一個站,要行咁耐先搭到車,如果係地面一早都行咗過去…..
因為係春天,當時好多生果,路經生果店,都人頭湧湧,我地都諗住買士多啤梨返酒店食
行咗幾條街,終於到咗目的地
綠豆煎餅,雖然好熱氣,不過真係好好食
之後食吓飯卷,魚卷,之後就行街買野~
睇吓啲濕貨,當地好興食生蟹,
我地買咗兩盒返酒店食,味道麻麻,唔多岩我地胃口
個街市幾大,有分乾濕貨
買夠野,我地就返酒店攞房,今次佢地話要行返去
沒有留言:
張貼留言