靓煲王

有朋友提議去食豬骨煲,但唔知去邊度食……
我地上網搵資料,結果去試吓靚煲王….

朋友打電話去訂位,個職員叫我朋友下就五點半後再打嚟;
朋友五點半後再打去,另一個職員話唔接受訂位~~~~~激死!玩野呀,
我地八點度去到靚煲王,~~~~~車!!大把位,扮哂野…..
我地叫咗個豬骨煲,

我地叫湯底ga同時,一齊點埋d餸,但係個湯底嚟咗好耐,d餸都重未到,

我地d湯底滾咗好耐好耐好耐好耐……..,d餸先到,

但係d手切肥牛重未到……

到我地點第二round餸時,手切肥牛重未到,真係要三崔四請之下,手切肥牛先到,

幸好d侍應態度尚可…..

到埋單時,我地個個嚇咗一跳~~~~咁貴嘅,每人要二百五十蚊……

幸好閒生冇話當食生日飯,

原先朋友話阿伯可能會夜d到,我重諗住佢嚟到氹佢食舊栗米,然後屈佢夾份錢,點知佢唔到,真係失敗……