元氣

因為早早上次唔得閒同肚皮慶生日,所以今次佢拉埋我落水, 叫我一齊去….
我地約咗七點半喺尖東”水車屋”門口等,點知佢地七點半先打俾我,話岩岩先出公司門口,~~
好在我知佢地經常遲到,所以果時我都專登遲d到
去到時,佢地話都唔知食咩,結果去咗尖東元氣食壽司
其實元氣得好少壽司種類食,只有點里d

我最鍾意食ga炖蛋

之後去食許留山,肚皮話唔食芒果,佢話而家d芒果酸,又話而家唔食得燕窩,雪蛤膏等,

佢重話可能以前食得多得濟,攪到而家唔食得…….

我同早早聽到話佢係度哂命…..

肚皮心多多,諗咗好耐,幾乎諗到日出,

最後佢點咗什果海底椰

我就點咗芒之戀

肚皮話花膠膽固醇高,如果要補骨膠原,最好改食海參……

其實係咪真嫁????