按摩

今日我約咗早早一齊返大陸按摩….
佢問過幾個同事去邊間按摩好,我地最後決定去富臨酒店果間,因為價錢幾抵,三個鐘七十五蚊人民幣(不過係會員價),如果買套票重平,只要七十蚊,加上早早話佢同事講里間d師傅按得唔錯.
其實之前我都去過大陸按摩,但係每次我按完都覺得周身痛,覺得law late gin,
但我公司d 同事就經常去按摩,重要放咗工去,但係第二日就返工,我問佢地唔辛苦咩,佢地話唔辛苦,重話按完好舒服,尤其推油”超正”,我問佢推油係咪唔著褲(我問果個係男同事),佢話有著,重話推油只係推到落條腰,重話佢地去果間好正經,~~車!!我都冇話佢果間唔正經……,
不過我d 同事去開果間比較貴,所以不作打算…
同早早去富臨酒店時約兩點,間酒店好大間,都幾靚

不過上到八樓,竟然另一天地

按摩果度一d都唔靚唔豪華

不過個按摩師手勢幾好,我冇覺得周身骨痛,個師傅話加多三十蚊可以推油,我都想試吓,

推油的確舒服過按摩,但係都唔係男同事所講咁,根本全身都有推,只有塊面同腳板底冇推
到走果時,見到里間酒店ga自助餐好抵,只係$148,但係約咗香港ga肚皮,所以只好返香港食晚餐
點知返到香港,六點半打到六點九都搵唔到肚皮,最後唔鬼理佢;

我地去咗漢陽苑食燒烤,

食野其間,約七點九肚皮打俾我問咩事(離譜!!!成粒鐘先覆電話),我問佢係唔係約咗早早食飯,佢話”吓唔記得咗tim”,我問佢係咪食咗飯,佢話係食咗,不過佢話會嚟,我聽咗吓咗幾聲,心諗佢痴咗呀,食咗飯嚟做咩,錢多得濟呀???不過問多幾問,佢先知我地唔係佐敦,覺得遠所以唔嚟….
其間早早同我講咗個恐怖笑話,佢話前兩日肚皮晨早打電話俾佢,問佢飲唔飲湯,佢話攞返公司俾佢飲,早早話好…
返到公司,肚皮原來只係攞返去俾早早飲,重係冬蟲夏草煲鷄,湯入面重有好多玒瑤柱,佢問早早好唔好飲,重話佢唔只識煲湯,重識煮餸tim,我聽咗之後,哈哈笑,重話早早你死啦„早早聽咗之後話好驚呀~~~~~~

漢陽苑d食物唔多選擇,埋單時重離譜,我地都未俾錢走,係度等埋單,佢地已經放人入嚟坐我地個位,咁即係咩意思,(我記住金馬倫道里間,豈有此理)
早知道肚皮冇記性,我地係富臨食自助餐,因為里度每人都要一百三十幾….