返酒店浸溫泉食海鮮

去完立山黑部 ,我地就返酒店食晚餐啦

今晚因為有温泉浸,所以又住tatami 酒店,今晚間酒店叫宇奈

月格蘭.

我地間房係大過肚皮佢地個間,因為佢地得一個浴室,而我地

ga浴室同洗手間分開ga,不過個厠所板一樣插電,好鬼暖,(之

前個兩間個厠所板一樣插電),朋友好唔慣,即刻"蚊"咗個插穌,

又到晚飯時間啦

今次食飯要除鞋,好在冇異味,如果唔係.........嘻嘻!

食飽後,閃哂.....

返到入房,已經有人幫我地舖好被啦,

不過我地未瞓住,因為今晚我地幫導遊買咗d,海鮮,諗住食完

再去浸溫泉(其實應該浸完先食,但係唔想同d團友一齊浸

~~~我地怕羞麼,)

過我地好注重衛生,所以係自己間房洗咗白白先,我重洗埋頭tim,
之後過去肚皮間房等食....

未去日本之前,肚皮話唔買

野,咩都唔買,結果買得最多係佢,(講d秘密你知,肚皮好鍾意學

人,人地影咩,佢就影咩,人地買咩,佢就買咩,佢唔只跟我,重跟

其他團友,)

佢地兩個係度執手信.....

等咗好耐,終於有人敲門,有野食啦,,,,,,不過佢地好懶,唔肯應

門,,我唯有著到樣衰衰咁應門,

點知佢地班懶虫重偷影我,重細細聲話我秘密交易,

但被我聽到,所以做咗個v字手摰

刺身三味,都幾貴,如果我地唔係有四個人,都未必試,

,,

鷄泡魚

海膽

唔記得叫咩名嘅蝦,

開餐啦......

隻蝦d蛋綠色,睇落有d恐怖,

佢地話我係度玩隻蝦,攪到核核突突......,

肚皮因為戒口,所以唔食蝦,但係朋友系咁叫佢試,然後細細聲

同我講,唔理佢食幾多,總之一食就要夾錢;我聽到,即刻同肚皮

講,食蝦蛋,綠色喎,食一粒啦,個樣幾似有毒........,但係佢堅持

唔食~~好野,

我地覺得d蝦唔好食,唔彈口,重好似d蝦膠咁痴口,重一路食一

路話唔知會唔會肚疴....

之後,我地去浸溫泉,

今次個浴場冇人睇場,不過我地好乖,成個日本人咁.....