日本第二日

第二日我地要六點morning call,因為唔夠瞓,所以全程喺車度瞓,不過車程太長,所以瞓醒都未到目的地.....
朋友見我係車度"中",用手捉住我,佢話我幾乎跌出走廊.....,吓?我唔知既?
終於到咗第一個站,比叡山延曆寺

延曆寺並不單只一座寺,事實上是由東塔,西塔和橫川中堂所組成,散佈在比叡山,

織田信長曾經火燒比叡山,

里個開運鐘敲完之後要添香油錢,所以都係企係前面影算.....
  到一咗點鐘,我地要食午餐,點知又係里d,

之後我地去竹人形工房,

個師傅好利害,將支竹慢慢批,變得好幼

變成頭髮,

竹人形工房門口個將軍,

然後我地去東尋坊 睇海,睇岩石,說是國家級天然記念物,

可看見日本海

附近有條海鮮街,但海鮮唔多,海鮮做ga零食好多,我都係試食,冇買......,
條街好colorful,都係影吓相算....

個日本美少女可能知道我影到佢,所以有d唔自然,

里條橋好似叫雄島橋.....?

之後出返市區,導遊俾返錢我地;今晚我地食自己,
我地去麥記食蝦飽.....

果然啖啖蝦肉,日本即係日本,唔似香港咁鍾意詭人,

之後我地見到一百日圓店,有朋友狂掃貨,佢話買手信.....,
里d風鈴每個只係一百日圓,真係幾靚,我好後悔冇買,
(好抵,做手信~Good~~~......,)

今晚有床瞓,間酒店ok,個酒店名叫hotel kanazawa,

個酒店好新,周圍都好新凈,而且係LCD電視,不過個電視好細...

浴室都好新,我朋友話塊雲石牆一塊過,冇牆邊,唔會藏積~~正!

我地喺市區只係食咗麥記,之後因為掛住喺一百圓店掃貨,所以冇時間去食其他野(跟團就係咁煩,成日都冇時間)
去到酒店門口,d酒店員工喺酒店門口揮手迎接我地佢地當正我地係貴賓,真係搞笑;

里幾日我覺得好舒服,因為d日本人真係太有禮貌,就算洗公厕ga人,一見你入去,就躹哂躬同埋say hi....

跟車返酒店後,覺得重肚餓,而且飯錢重有剩,所以出街覓食....
但係附近得d居酒屋,都冇街邊小食,大排檔之類,搵咗好耐,終於被我地搵到地下食街,
我地去麪店食麪
個麪店老闆娘好好人,知道我地唔識日文,專登出嚟門口,等我地指住個櫥窗落單;
老闆同老闆娘好忙咁幫我地煮麪

因為款式唔多,我叫咗個叉燒麪,因為肚餓,所以我覺得好食

食飽後,我地去便利店買綠茶雪榚,同一大支綠茶(佢寫住有一公升)