早出晚歸台中遊~第四天

第四天,我地今日要去妖怪村,要搭9:00車去溪頭,所以要六點起身.....::_361

都係喺酒店食早餐,唔使諗咁多.....

台灣好行干城站,只離我地ga酒店幾分鐘路程......

我地搭溪頭線,

一到站,就見到有人上車,驚架車走,咪 一支箭咁衝上去::rr8074 ,唔記得原來買來回套票係平d,

一上車就拍卡......

上咗車,肚姐就攞咗一大堆琴日用公數買ga零食出嚟食,重有一包好重ga欖::mm1613 (人地諗住買嚟係酒店食,出街梗係掃街),

諗住搭9:00,但早咗一班,係8:40......不過重好,可以早d~

高鐵站好多人上車,好在我地係總站搭~

搭咗個幾鐘頭車,十點幾先到總站......

落車拍卡,已經負數,張卡要增值::_370 ~

一落車,往下行,就見到妖怪村入口,見到d小賣店,我地梗係會睇吓賣咩.....

d蕃茄幾得意,五顏六色,不過都幾貴~

d人話妖怪村好細,兩三個鐘頭可以行哂,所以我就諗住去完妖怪村,下午就去勤美術館(果度可以影好多相),之後去買台中手信~

入去妖怪村啦~

入面冇7仔,得間全家,冇印花送.....

張悠遊卡d錢搭車用哂,要增值100~

 影影吓,發現個鏡頭蓋唔見咗,真係倒楣::_379 ~

到咗十二點幾,我地去食醬爆雞~

d 醬料又係自己出去任攞~

味道都唔錯~食飽就出去買野~

妖怪村真係好細,但唔知點解,我地遊吓遊吓,三點先走.....

行到車站,打哂蛇餅,重要攞籌....

突然有個阿叔出嚟問我地四個,一千蚊出台中搭唔搭,我地聽到話貴,no啦~之後過咗一陣,阿叔又話果邊有兩大一細搭,而家收我地一個二百五,我地聽到又no啦,二百就搭.....

過咗一陣,企係我地前面對香港男女問我地係咪有泥猛車出台中,我地話係,不過太貴....

阿叔又過嚟,不過今次係我地開口問六個,每人二百,得唔得?佢即刻話好,又話之前個兩大一細,一聽到我地係香港人,即刻話唔坐....(原來香港人係台灣人心目中咁恐怖)

我地跟住阿叔上車冇耐,個兩大一細,又話嚟搭......

個阿叔今次一定笑呵呵,佢重派咭片俾我地,話佢做包車,又俾相我地睇....

返到台中,都成五點,取消去勤美術館,改去台中車站附近行街買野~返酒店放低d野~

酒店lift口附近布有櫈坐,我地坐係度等果兩姐妹~

又出發.....係酒店子彈lift內,又影一餐

 去7 仔食傳說中好味ga糖心蛋,我每次嚟台灣都冇機會食,今次要吃啦~

真係又幾好食::_343 ~

之後去宮原眼科,唔係睇眼,係間餐廳同買手信地方~

我地似乎搞搞震多....

之後我地去買太陽餅.....

之後去洪瑞珍買三文治食,真係好好食,不過新鮮買最好,所以聽日再嚟買~ 

再買檸檬餅~

估唔到行吓行吓都9點幾,好多食肆都關咗門,唔知點算之際,見到救星......

見到間快餐店,佢地好有禮貌咁招乎我地入去......
俾咗錢,攞咗綠色咭仔,等叫攞麪食~

嚟啦~好豐富啊! 

 食飽行返酒店途中,見到間書店,我地入到去消磨咗粒幾鐘,人地關門先捨得走.....

返到酒店,食我地ga飯後果加零食......
不過我今晚先發現果兩姐妹,超S,買咗d水果返去竟然唔放落雪櫃,天氣咁鬼熱都唔放去雪,唔怪得d水果爛咗咁多::mm2391 ....