早出晚歸台中遊~第一天

今次台中遊之所以去台中,事緣見到張清境照片所引起......::vv4005

對台中一d都唔認識,唔知有咩景點,只知去清境......由零開始搵資料.....不停上討論區,結果都搞掂,不過都幾辛苦plan行程,因為想去ga景點都幾散::vv4018 ~

今次去台中,學討論區d人咁講,用金錢換時間::vv4014 ,因為景點太散,浪費好多時間....

到咗三月中,我地出發啦~

我地今次搭華信航空,因為係細機,驚冇位,所以一早上網劃好位....(所謂一早,都係出發前24小時)

到咗機場,check in咗,就例必去食早餐,第一次唔係食麥記~

食咗里個早餐,我相信個飛機餐我又會食唔落......(肚姐晨早係屋企已經食咗飯,所以佢冇叫早餐食)

如我所料,真係搭接駁車上機.....

係車度自娛一腦番::mm2256 .....

d飛機餐見到就飽,所以我都冇咩點食::vv4033 .....不過肚姐全部食哂,一粒飯都冇剩::vv4034 ,佢真係好食力,之前重話係屋企食咗飯,話佢老豆煮咗,問佢食唔食(佢老豆都幾錫佢,咁早起身,煮埋佢份,相對我出門時,屋企未有人起身)

一個鐘頭好快就過,我地到咗台中......

大家一早就做咗網上簽証,所以過關都好快,不過就有意外發生....

就係肚姐啦,佢竟然打錯自己個中文名,結果張網上簽証冇用,要去排隊做落地簽証......我一早已經不停提醒佢地要睇清楚有冇錯::vv4004 ,結果都有錯,冇辦法啦.....結果又浪費時間同錢.....

我同棗棗就出去攞行李同唱錢先,等阿肚妹等肚姐....

網上話去提款機唱錢最抵,但我驚d機壞或冇錢,所以都係帶現金去唱....

搞掂哂d野,肚姐又出嚟,我地就出去啦....

因為我要打電話俾清境民宿確認房間,所以要係機場出張電話咭

之後就搭150公車去台中公園,即係我地第一日ga酒店.....

因為我地冇悠遊咭,要俾現金......

俾咗錢過司機,佢俾咗張卡我地,叫我地拍卡,落車時再拍,之後俾番佢...

d行李放埋一邊,個司機好好人,幫我地放,不過好多人,行李放到好高~

坐咗一個鐘頭車,終於到總站~

我地住台中假日酒店,離台中公園好近,行幾分鐘,過埋條馬路就到(我好怕要拉住個喼行樓梯,所以每次搵酒店我都要搵d方便搭車去機場ga酒店)

放低行李,我地去附近阿水獅豬腳食午餐

d豬腳好入味.::vv4063 ....

食飽後,我地去7仔買悠遊卡,因為係台中拍卡不但有優惠,頭8 公里重係免費~

買咗之後,我地搭 56號去彩虹眷村,不過都要成個鐘.....

好在我地有位坐........

見到間色彩賓粉ga幼稚園~

搭車經過,見到個米奇旅館,外型好得意

到咗總站,都要行一段先可以到,所以我事先係香港

畫好路線圖,所以都安全到步...::vv4037

事前我都擔心佢地會怨坐成粒鐘嚟到里度,點知佢地好鍾意~

 可能今日係星期日,所以彩虹爺爺都有出嚟,爺爺係香港人識講廣東話,坊間話佢已經90幾歲,不過佢睇起好精神~

我地都捐錢,支持吓爺爺~

彩虹超人都有出現~

可能星期日,人流都幾多,好難先搵到位影相.....

影到天都開始黑,我地行番出去搭56號再轉54號去逢甲夜市~

好在事先手機download咗個台中公車通同台中等公車apps,唔係真係唔識落車~(因為搭56號車時,個顯示屏壞咗,個司機逐個站咁叫,我地d普通話太爛,唔識聽)

我地去到逢甲,第一個景點係麥記洗手間,估唔到勁多人,所以我相信荒原百里係冇洗手間......,去完之後,要補充水份,去飲杯芭菲汁~

大滿足::vv4041 !

之後都係影相,食,食,食~

每次食野之前,我地都話相機食先,好不幸我部相機真係食咗野.....我即刻捉佢返屋企 ::vv4002

快樂不知時日過,尾班公車冇啦(台中公車10就尾班車,對我班夜鬼香港人嚟講,太早啦~)

唯有打的返酒店啦~

我地今晚住ga酒店~

聽日要上清境,要執行李,同埋約咗架包車9:30係酒店等~