上海四天~day 1之1

  

  

  終於到咗十月廿二日,去上海ga日子,我已經成兩年冇搭過飛機,所以有d開心….
果日我好早起身,因為要7:30去到機場,搭九點鐘班機,所以都好眼瞓
   今次我係第一次自由行,加上有四個唔識ga人,所以有d擔心……
    到咗機場會合,然後去攞機票劃位,非常順利
    可能去上海只係一個半鐘小時,所以係機場食ga早餐都未落隔,上到機好快又要開餐,果兩位好朋友,食唔落,就俾哂我

落咗機,我地打算去搭磁浮列車,不過首先係買張公交卡,張卡好似我地香港ga八達通,不過連的士都可以用

  

 買咗之後,我地去搭磁浮列車啦,
 



入到車廂內,原來咁樣,真係好失望,不過就真係好快…..

 




之後去咗磁浮列車歷史館 




之後我地再搭地鐵返酒店,今次真係千辛萬苦先去到,因為今日係星期六,勁多人,加上上海啲地鐵痴線,車與車轉車之間極遠,再加上得扶手電梯,而扶手電梯得上冇落,而落要行樓梯…..個個攞住件行李,真係想死~
終於去到酒店啦,well~好靚呀~

因為我地三個人一間房,所以將兩張床拍埋,變咗super k,不過好不幸,我要瞓中間

 

放低行李,之後我地出發,佢地話行去南京路……..
結果我地由馬當路行去南京路,再行去浦東,再行去外灘,行足幾個鐘…….

待續……