上海四天~最後一日

到咗上海最後一日啦,今日去城隍廟,應該有好野食啦,點知佢地都係唔食早餐就出發

今日風和日麗,影相相當好…..

有街頭賣染髮劑賣,有好多老人家坐係度染髮,可能唔使錢

里間店好可愛,好想去睇,不過朋友們走得好快,衝咗去第二度影相

唔得,真係好肚餓,結果去咗間唔知咩地方食野…

唔好食,算啦,食飽就算…..
出返去再影相….

我地入去豫園

見到外國鴨仔團

真係搶錢,園內地圖都要錢買

原本想食里度出名的蟹粉小籠包,但太多人,冇時間,唯有唔食,去里間食湯包

叫咗個湯包,支飲筒根本啜唔到,因為熱到死

皮厚到死,食完真係一般……

之後返酒店執行李,又要搭地鐵……

好在大陸冇咩好買,唔係搬行李落樓梯真係悽慘

大家以為去到機場站攞張公交卡退錢,點知冇得退,要指定幾個站先有,結果個個嬲到震

算啦,留番下次用……

四日行程就咁完成~