西貢滘西洲

上次去完鹽田梓， 見到西貢碼頭都有船去 滘西洲， 大家都係吹下水說下次去， 點知講講下就真係去，

 因為有朋友喺滘西洲入面做嘢， 所以我哋順便探下佢

昨晚到今日都落大雨，但都見有人帶住 哥爾夫球棒 。。

滘西洲係賽馬會嘅，所以條船都印上 賽馬會😙

上咗船， 天氣開始放晴

去程係唔 需要 買船票， 回程先需要買， 不過如去到果食個半自助午餐， 搭船係免費嘅😀

20分鐘左右就到咗喇！

落咗船就見到架穿梭巴士， 可能係平日人唔係好多人~

搭嗰架巴士好快就到咗哥爾夫球場嗰個主樓， 

見到我哋個朋友， 佢帶我哋參觀咗一陣， 我哋去咗個練習場

坦白講， 我咁大個人第一次去哥爾夫球場，哈哈😅

之後就去餐廳食中午自助餐呀😋

佢個半自助餐， 真心講唔貴， 基本都係百幾蚊起

食物就唔好要求高， 種類當然唔會太多啦

不過都ok㗎

我哋 食飽飯， 我朋友就去工作喇， 我哋就自己去參觀

我哋幾個影相周圍睇下， 當然遵守埸地規矩 

一大片綠色 大自然， 真係唔錯

因為我哋只係 體驗下哥爾夫球場嘅環境. 所以影咗一陣,我哋就搭船出返西貢