澳門15，16兩天遊之媽祖文化村~Day 2

 今次間酒店係包埋早餐🍞

未到九點, 已經比出面啲 噪音 😫嘈醒, 原來樓下重裝修緊, 房入面有張通告， 明明寫住 九點先開始有噪音， 但八點幾已經碰碰聲響啦💢， 畀佢嘈醒， 唯有起身梳洗啦， 見有時間， 浸下浴先🛀。。。

順便睇埋 👀今日嘅行程。。。

個餐廳裝修 都不錯， 但食物就唔多， 都係麵包麥皮雞蛋 之 類

不過飲品都尚算幾多😋

雖然食完早餐， 但大家覺得都唔夠喉， 所以就過去隔離間茶餐廳再食過， 去咗 南 屏 雅敍 食， 其實原本想過隔離茶樓飲茶， 點知喺門口見到， 個個食碟頭飯， 好似冇一盅兩件， 所以轉過嚟茶餐食。。。

喺門口見到佢啲好出名嘅沙翁， 但朝早唔想食太甜嘅嘢

入到去， 我哋叫咗咖啡

一個叉燒蛋治( 佢哋招牌貨)， 一個火腿蛋三文治， 其實材料都幾多😚

之後返酒店收拾行李， 酒店內嘅mini Bar 嗰兩罐汽水， 同個包餅仔 都係送畀我哋嘅😁

寄存好行李👜， 我哋行出去搭巴士去下環 街市， 又係食飯嘅時候

上到去熟食檔， 有啲 檔口都休息， 原來有啲只係開上午。。。

我哋行咗一圈， 決定食招記

到我哋諗到食咩嘅時候， 都已經中午嘅時間呀， 勁多人排隊， 可能招記得一個姐姐做啦

我哋叫咗三碗麵， 一碟餸， 大家眼闊肚窄， 原來碟餸係好大碟， 不過味道相當唔錯

最後都食唔曬， 下次唔好咁貪心， 食餸算啦， 見到吳廷記， 雖然而家個時候冇冷糕餅， 但上次食佢個紅豆餅， 都覺得唔錯， 雖然好飽， 但都買， 留番一陣先試

之後我哋行去搭巴士去石排灣郊野公園，
再搭 媽祖文化村 專線巴士， 

啱啱去 到時， 架專線巴士啱啱走咗， 所以我哋要喺度呆等🤨

喺個石牌坊附近等車， 今日天氣唔錯相當好

專線車係好細， 不過平時唔係好多人搭

話遠唔遠,話近唔近， 不過好多轉彎山路， 如果唔搭車自己行上去 都有排行， 所以我一定唔會行

終於上到去， 地方唔算十分之大

見到呢啲橫額， 以為返咗大陸

媽祖像， 唔係廟入面， 要另外再行上山

上到山， 要望下澳門景色， 聽到有個阿嬋話， 嗰邊係香港大嶼山， 係唔係真係望到香港㗎??😅❓❔

之後落山， 在行去停車場搭專線車， 

落返石排灣,見時間尚早， 都只係四點幾， 去埋石排灣郊野公園嘅熊貓館睇下

但行到去， 個熊貓館都差不多休息， 所以冇入， 喺郊野公園影下相 算啦

但影咗一陣， 郊野公園都關門， 我哋就搭返巴士出去澳門市區， 搭巴士路程時間都好長， 唔緊要我哋有時間

坐咗成個鐘， 我哋到咗坤記食晚餐

曾經喺網上， 見過話佢哋服務唔好， 但都唔係， 服務員相當熱情 好客。。 佢哋同我講， 呢個辣椒好食， 真係好食😋

啲雞唔錯

咖哩薯仔牛腩， 就冇牛記咁好食

呢碟豬扒， 係佢哋推介， 我哋就覺得味道麻麻

其他食物味道就一般， 不過勝在價錢唔貴， 服務態度都唔錯

食飽飽， 就行返去酒店攞行李， 去十六蒲搭發財車 十六浦搭發財車去碼頭，

返到香港,又去麥記嘆杯咖啡先走