澳門15，16兩天遊之告別狗場~Day 1

過咗兩個月又去澳門, 今次知道狗場到7月真係要 要關閉 , 所以同啲未去過嘅朋友再去一次
上次住過珠海啲酒店後,真係好似返唔到轉頭, 澳門啲酒店真係好貴, 好在最後都搵到間新酒店價錢真係比較相宜.....
船飛方面呢就去工聯會度買, 因為工聯會今年七十週年,所以又有特價船飛去澳門， 我哋攞咗會員卡去工聯會,買咗三套澳門來回船飛$260一位

之後去尖沙咀噴射飛航櫃檯 換來三套來回船飛

之後再去鴨記買三張 儲值卡， 比市面平十蚊(其中有張中伏,一開機就話冇儲值,用唔到,蝕咗$40😱)

我哋開始計劃行程，第一日行程如下

我哋約咗九點鐘喺上環澳門茶餐廳食早餐， 

往時食開沙爹牛肉米粉， 今次想轉換口味， 唔記得係什麼銀針粉， 今次真係中伏， 好難食😨

因為 某人 塞車遲到， 所以我哋兩個搭船去先

今次坐樓上， 見到船上面好少人

到咗澳門， 我哋喺外港碼頭 等某一個人到

會合咗某人， 我哋搭巴士去酒店先

卡爾酒店， 聽聞新開幾個月， 可能重裝修緊， 所以價錢 比較平， 連埋稅 每間普通房 都係五百零蚊港紙

酒店 位於海邊新街， 其實好近十月初五街， 即係 十六蒲酒店附近

酒店裝修得都幾靚， 都有好多影相位

預定時我要求有間房有浴缸，  因為有浴缸嘅房間唔多，佢兩個就話有冇都沒問題， 

職員話 冇三間房一層， 我話沒問題， 結果佢兩個住5樓， 我就住一樓， 因為房間未準備好同埋未到入住時間， 所以我哋放低行李就出去食嘢先

我哋搭車去食雞湯米。。。

最近網上， 好多人大力推介金利咖哩雞湯米......😊

佢兩個就叫咗咖哩牛腩雞湯米， 我就叫咗碗 咖哩雞湯米， 事實上， 真係幾好味嘅， 不過就真係貴， 碗米粉好細碗

因為澳門巴士啱啱加咗價， 每位要$6， 而我哋今次去嘅地方， 好多發財車都唔到， 要搭好多次巴士， 所以我哋決定每人買一張澳門通， 不過張卡 要50蚊， 要另外加一百蚊增值。。。。

食飽飽， 附近沒有什麼地方好行， 我哋又搭返巴士 過去 酒店附近， 記得附近有間最香餅家， 所以去最香買個手信先

返到去， 兩點幾三點， 可以去酒店攞房，

今次間房真係唔錯， 而且比想像中大好多😆

(我指我果間,佢地兩間沒有浴缸,房間較細)

(請click 兩次👇)

我就非常滿意啦👍

喺房間 hea 一陣， 我哋就行過去high tea， 去間新開嘅咖啡店，  叫做文藝門， 好 有 文青味道。。。

嗰度有幾層樓， 我哋上咗2樓 

飲咖啡， 悠閒咁上網😊

之後就離開， 舊年天鴿啲水位,原來真係好高。。。

之後行去食甜品， 去食豆腐花， 去咗榮記食，

 見到有啲小食 我哋就叫咗一個細嘅， 坦白講， 啲小食 一般， 下次唔會再叫， 只食豆腐花算啦

再嚟 食椰子雪糕， 嚟過幾次澳門， 未真正食過一杯椰子雪糕， 今次一定要食😋

因為某人遲到， 要 買過 船飛， 所以話要去十六蒲再搵返啲洗費， 結果又 畀佢贏到 錢， 船飛 錢💰 搵返， 澳門酒店 錢 都揾埋。。

咁近酒店， 我哋放返啲手信， 喺酒店坐一陣， 我哋就搭車去 狗 場🐶喇

狗場本身係唔畀影相， 但見好多人喺度影， 我諗只要唔開閃光燈影響啲狗狗， 應該都冇問題嘅

可能都到咗尾聲,最後告別嗰兩三個月啦🖐， 所以職員見到你哋影相， 都唔阻止

每場我都有估邊隻狗仔會跑出， 每次都中,覺得自己都幾好眼光， 不過我冇買。。。。

今次係我第二次入狗場， 上一次 話 狗場關閉,所以同父母 到 咗 一次， 今次就真係關閉喇， 所以同啲朋友嚟多一次

現場見啲狗狗🐶， 其實都幾可愛💕呀

(請click 兩次👇)

睇咗兩三場狗仔比賽， 我哋都準備離開， 見到舊時嘅歷史圖片， 以前狗 場其實都好多人 嚟， 真係今非昔比

睇完 狗 場的歷史， 我哋搭番車去酒店附近食晚餐， 去我推介嘅牛記咖哩

叫咗個水蟹粥😍，

蟹黃撈麵😍

煎墨魚餅😍

咖哩牛腩飯😍。。。 全部都好好味🤤,尤其係咖哩牛腩👇,

超好味,不過唔食得辣,要諗諗😏

之後去勤記食糖水

見到個 胃仲可以放啲食物， 就過隔嚟買煎釀三寶， 不過啲煎釀三寶貴得唔值 😑， 所以下次唔會幫襯

食飽就返酒店， 我今次嘅重頭戲就係浸浴♨️， 我已經帶咗消毒藥水 過嚟洗浴缸， 同 買 定包浴鹽

浸下浴， 爽呀😘

之後就上床瞓覺， 張床超舒服😴