澳門主教山之旅2016~Day 1

見到旅行社話10月尾之前訂金沙城酒店有特價優惠,同埋可12月31日之前入住.....

金沙城假日酒店連船票酒店都係$599(當然每個人計,同時要二人同行),

咁抵!冇理由唔去~

到咗12月12日, 我地三個約咗係上環澳門茶餐廳食早餐,而貓姐因為前一日返通宵,所以唔嚟食早餐,直接去碼頭等~

大家會合,然後搭10點鐘船去氹仔臨時碼頭~

我地係碼頭搭發財車返酒店先

去到搞手續，放低行李先。。。。

因為我本身係假日酒店會員，所以佢地就免費送一杯welcome drink，但到我地退房時，都冇去飲。。。

因為未有房住，所以我地搭發財車去外港碼頭，再搭巴士去媽閣廟

去到媽閣廟站，我地行上去長城燒烤食中午飯

入到去，見到四周都係可樂~

我地點咗幾碟餸菜。。。

碟碟都唔錯！不過雞翼同燒風鱔最好味~

食飽飽後，貓姐請食飯，話請我食生日飯，同慶祝佢升職加薪*^O^*。。
之後，我問佢地有冇興趣去試吓冷榚，要冬天先有。。
佢地話好，行去睇吓~

9

去到時，有個小插曲。。。
當時吳廷記做里個冷榚，重有15分鐘就得，咁岩我地就到咗，當時冇其他人排隊，得我地三個。。
但當冷榚就做好時，就有個男人走出嚟，話佢一個鐘頭前就到，已經同老細講，里底榚佢訂咗。。？
但老細好似唔記得有冇咁ga事!?

除咗我地，後面重有幾個人排隊。。。
當時貓姐就黑哂面，我同棗棗就o哂咀。。
大家講多兩講，個男人見排冷榚的人越來越多，覺得唔好意思，所以就放棄里底榚，話下一底先要。。。
終於平息咗里場，誰是誰非的局面!

(唉~一個鐘頭前話講完就走開當訂咗,咁樣使鬼排隊咩,不如你話朝早打電話嚟訂咗兩點鐘要😠)

我地每人要咗一塊冷榚，一個紅豆餅，之後就行去主教山

行到上山，個冷榚都開始凍。。。

不過個紅豆餅一樣咁好食，下次嚟澳門，一定要再食~

行上主教山，雖然路程唔遠，但個長命斜，真係攞你命，行到我地腳仔軟~

亦可以睇到澳門塔超靚景色，

之後我地落山行去澳門塔附近。。。

因為貓姐太累(琴晚返工通宵冇瞓)，冇理由等到黃昏影日落（雖然我好想，但要為人著想）
因為時尚早，冇理由咁早食晚餐😅
因為途經鄭家大屋，所以入去參觀吓，順便等貓姐休息吓，我地又可以消磨吓時間

其實話咁快就行完~
之後行落去民國大馬路附近。。

都差不多7點，我地去美心亨利食晚餐。。

可能平日，加上早，所以冇咩客人。。
不過就好有情調😁

大家咁次都叫咗個雜菜湯，正宗葡國菜湯~

Yummy的一餐~

食飽行出去都天黑。。。旅遊塔夜景都幾靚~

我地慢慢行去搭車，咁岩里個月係澳門燈影節，所以港務局都著哂燈。。

不過入面d裝飾，我唔係好識欣賞，所以冇咩點影相，。。。

之後就搭車返路氹，返酒店休息。。
因為貓姐太累，一返到去就沖涼瞓覺，

我同棗棗就覺得新開個巴黎人係對面，冇理由唔去影相。。

所以就去影個變色巴嚟人。。。

點知影吓影吓都成11點幾，係時候返酒店休息😉