澳門熊貓館之旅~Day 2

昨天掛上一號風球，到了今天已經除下，但天氣仍不穩定，間中下大雨。。。

早上起床，見到外面天氣良好，同鴨仔講聲早晨

我地一早起身，去酒店泳池游泳

那裏有三個按摩池，都是暖水的。。。

而泳池只得一個男泳客。。

過了五分鐘，那個泳客也走了

現在泳池沒有其他人，我地可以任意影相咯~

我地不知不覺游到九點幾。。。

上水後，我沖過涼，更吓衣，去酒店餐廳吃早餐。。

去到餐廳都差不多十點，食物都所剩無幾。。。但我地都食得好飽

之後行去漁人碼頭影鴨仔，但一出門口就落大雨，打算去禮賓部借傘，點知借哂冇存貨。。

結果又要浪費時間上房攞酒店傘。。

但一出門口就雨停了

天氣變得好曬，好熱，幾乎中暑

那些小攤檔，都只係開始執搭擺賣，開檔的不多。。

見到有手工做鴨仔曲奇，我買咗兩個送比兩個姪女

影到11點幾，我地返酒店執行李，之後寄存，再搭巴士去海事博物館。。。

點知一上車，就落大雨。。。

去到媽閣廟站，

入去博物館先，避吓雨。。。

入面有幾層高，要睇哂都要好多時間。。

地庫有個水族館。。。

睇完都成三點，諗住去長城燒烤食午餐，點知去到關咗門，原來午市至到三點，要到晚上六點先開返。。。

算啦，我地去港務局影相先。。。

港務局係澳門少有的阿拉伯風格的建築物。。。

真係幾靚，可惜落雨，影影吓要避雨

這裏的保安好歡迎我地嚟影相，叫我地come,come

影完港務局，我地搭車去飲下午茶。。(冇食午餐，直接飲下午茶)

去新鴻發，食個超厚西多士。。。

每人叫多個波蘿油。。。

吃過美味的下午茶，我地搭巴士返酒店取行李，再搭金沙車去氹仔碼頭返香港。。。

雖然落咗風球，但開船不久，船就左搖右擺，一直浪啊，浪啊，似坐海盜船。。。

一直浪到香港，浪咗成個鐘，在船上辛苦到死，

落咗船仍然暈船浪，返到屋企先有胃口吃晚餐。。。