澳門熊貓館之旅～Day 1

五月尾時,心血來潮，想起我地曾經講過,去澳門睇熊貓。。

所以吹鷄，但都有人和應，

再上網睇酒店時，發現黃鴨仍在澳門，見機不可失，拍搥出發。。。。

因四眼超人只得一日假，佢要即日來回，所以儘量買較便宜

船票，見微信有八五折，所以今次都搭金光～

當日，我地相約8:30吃早餐，神奇地大家都早到，吃過早餐，9:00都未到,所以大家索性搭9:00船～

搭過金光幾次，覺得都幾方便，船又夠大，坦白講都坐得都幾舒適。。。

今次我地住漁人碼頭間勵庭酒店，所以搭金沙酒店

車。。

到咗金沙酒店，勵庭酒店只係對面，非常方便。。

因為未到check in時間，未有房間，我們只有寄存行李先。。

酒店做緊優惠，入住酒店就有$200優惠券，只要食夠$350，就可以用$200優惠券。。，因為時間關係，我地打算係酒店食自助午餐。。因為時間太早，未夠鐘食自助餐。。，所以我地去影黃鴨

酒店門口有隻黃鴨，好可愛呀～

我地慢慢行去科學館。。。

漸漸見到隻巨鴨。。。

Yeah~見到黃鴨呀，大家即時做個白痴姿勢。。。

哈哈，上次黃鴨到香港，太多人，位置又放得唔好，好難合照，今次終於可以一齊影啦～

瘋狂影後，我地返酒店，食我地個自助餐，食物選擇不多，不過都唔錯，

最少便宜嘛，又可以醫肚....我唔餓得架😄

埋單時，酒店送咗四張咀香園餅家迷你禮盒卷，要去酒店間火鳥賭場換。。。

行過酒店內的天橋，去火鳥攞禮品

見到天花頂，好彩色。。。

攞過禮品，行返去金沙酒店，搭發財車去金沙城，再

搭巴士去熊貓館(check過係最方便，又快的方法)

順便睇吓明天我地返香港時，搭車去碼頭的時間

去到金沙城時，我地用最方便又快捷的方法去熊貓館，就是搭的士😂

點知個的士司機，多多說話，同其他同行呻話要去睇熊貓，冇飯食。。。

車!我以為好遠，原來路程唔太遠，而且都唔係荒涼地區，附近都有住宅啦😈

入到公園，都有好多野影

原來澳門都有好多鳳凰木，而且開得好靚

周圍都見到熊貓。。

開頭以為這裏買票，原來只係個詢問處，不過吹吓冷氣都好。。。

之後真係搵到售票處，買咗三張票

正呀，冷氣充足

第一次見到熊貓痾屎😨

睇過熊貓，(睇得幾快)我地行出去，出面都有好多動物

猴子種類最多，唔應該叫熊貓館，應該叫猴子館

景點一定會有手信店。。。

我地就買咗隻熊貓記憶棒，有8GB

又係趕住去下一站的時候，我地去路環嘆咖啡，

行出熊貓館就見到巴士站，巴士都好密，我地好快就上到車

去到第一件事，食個安德魯葡撻

之後就行去漢記手打咖啡，又路經個荒廢造船廠

點知見到澳門電視台搵人做訪問，他們捉住咗四眼超人，

訪問問咗十幾分鐘，可能有得出鏡，但我地冇緣睇

等超記做過訪問，我行去漢記

今日都好多人，好難先搵到個位

今次大家都點咗凍咖啡，沙甸魚三文治，超記就叫多個炸豬扒

Tea過，記行去譚公廟，因為上星期睇電視，介紹這裏有龍骨

龍骨就是你。。。

之後，我地又極速搭巴士去官也街買手信&吃晚餐，

基本上，見到有車去官也街附近，就搭什麼車

落車見到銀河酒店

買咗手信先，

每次到官也街，必定去莫義記食雪糕

之後就去波爾圖吃晚餐

綜合吃過幾次葡菜經驗，今餐唔多合我地口味

又因為時期關係，四眼超人打的去碼頭，我地歡送佢離開

我地發現碼頭汽水機好平，加上我地住間酒店附近冇便利店，所以㩒咗幾罐汽水返酒店

之後搭金沙車返酒店，放下手信，休息片刻

今次間酒店唔錯，夠新又靚，好有歐洲風格

大家都好滿意!

休息過後，我地行出去睇吓有冇宵夜買，怎料越行越遠，荒原百里都冇啖好食，最後行去搭巴士去十月初五街吃糖水，當然又係勤記

再去六記買炸雲吞，炸鯪魚球。。。。

估唔到咁多，多到可以留到明天做早餐😂