早出晚歸台中遊~第五天

最後一日行程,要臨時更換,班姊妹話要shopping,所以原先諗住去自然科學館要取消......

我地諗住要買野,想舒舒服服放手信,所以問酒店可唔可延長時間退房。。。佢話可以，不過要做會員，不用錢，只要填份表，每次訂佢地集團酒店都可以儲分，儲夠分可以免費住酒店，而且可以下午兩點退房。。。。。既然唔做使錢，只係填少少資料，咪做會員啦~

搞掂哂，我地去食早餐，之後行去台中車站~

去返我地琴晚間書局買野，但未開門，咪行去附近間7仔傾計。。。見到有幾棵木棉樹

坐咗半個鐘，開門啦，我地行去買野。。。係書店都買咗個幾鐘，之後去洪瑞珍買三文治。。。

行去途中，見到琴晚我地入去搞搞震果間宮原眼科，聽聞里間雪榚唔錯，我地當然唔放過

雖然貴d,但幾好味~😘😘😘😁

之後見到一福堂檸檬餅，咪行入去問有冇得試食，食落又ok,我即刻買，重買埋朱古力味tim,之後再試食太陽餅~好味呀。。。。又再買。。

大家都買咗好多野，之後繼續行去買三文治。。。行咗好耐，到啦~

點解三文治都買？因為真係好好味，但因為始終三文治，保存期得一，兩日，所以只可以同屋企人分享。

買咗我地需要買ga野，我地又行返去酒店，放低d野，出去附近另一間阿水獅食豬手。。。。

臨走時，都不忘同酒店照返d相~

酒店有個好細ga健身室，我地臨走時都入去玩吓*^O^*

酒店附近有兩間阿水獅，今次去里間係舊店~

食飽飽，就衝衝忙忙返酒店執野，然後退房。。

 

當時兩點幾，時間都好早，不過唔行啦，咪大家推行李去巴士站搭車去機場。。。

我地簡直大收穫!

去到機場，我地check in咗，寄咗行李，冇咩好做(個機場太細，冇咩好行)，咪又再食野＼(^o^)／

食飽夠鐘，我地過關等上飛機^_^

上到飛機，又食飛機餐，個餐好差，我冇咩點食

我地返香港啦~

後記:

今次直接由手機寫blog同放相,係就係幾方便,不過相質素較差!