早出晚歸台中遊~第三天

第三日ga行程,我諗咗好耐,開頭諗住搭客運走(即係公車,諗住順便去埋其他景點玩),但等車時間太長,所以問佢地包唔包車,佢地一致話包車冇問題(里班朋友真係好,唔多計較,大局為重)....我即時輕鬆哂,原本唔諗住去日月潭,但包車話可以去埋,諗住有車,可以輕鬆去埋.....::vv4049 ?!

第三日早上五點,聽到有人起身去洗手間沖涼,但唔知係邊個,因為太眼訓,唔願打開隻眼望吓邊個(一直以為係右邊ga棗棗,因為矇矓間見佢彈起過身,但覺得冇可能,因為琴日佢話六點起身洗頭,但六點時聽到佢話瞓多十五分鐘,到六點十五分時,又話瞓多十五分鐘)
沖涼條友沖足一個鐘,但係沖得好嘈,又關水制又開水制,不停重
覆,極為討厭::vv4003 ,結果我頂唔順,要起身,順便出露台影吓相.......

其實全屋人都被佢嘈醒,唔使提示,大家應該知道邊個......咪肚姐囉,佢ga行為動作唔需考究,就算佢解釋,都唔會有人明::vv4033 ~

 
我地執埋少少野就落去食早餐,出門前係門口影張相先::mm2295 .....

再影吓我地個露台(我地琴晚係度晾泳衣,一晚就乾哂....高山即係高山 ,日頭同夜晚溫差好大,夜晚較大風同涼)

我地出去食早餐之際,原來肚姐已經搬咗佢兩箱戰利品去客務服務中心,(唔使咁快呀,而家先七點幾,我地約咗包車名司機九點半,咁早搬落去咪阻住人地)
點知人地同佢講唔使搬落去,一陣架車會駛上去我地屋後,同埋個司機會幫我地搬......
(我要講吓個地形,每間民宿都依山而建,如果你帶住大行李上落都幾煩,好多樓梯級要行,好在我地只帶住手提行李)

又係個句,唔使問肚姐點解咁做,佢講俾你聽都係唔明::mm1673 ,不如去食早餐啦~

早餐選擇唔多,不過唔使錢,唔好咁多要求,反正味道ok~
可能我地算早去,都好多位坐,後來越來越多人,有d人要出門口坐~

食飽行出去影相,周圍睇吓(琴日太趕,冇時間係度影,所以臨走前要影到夠)
門口有棵唔知咩野花,個樣好似桃花~

我知里度除咗民宿,重係一個蔬果園,可能太早,佢地賣菜間店未開,我地行落d睇吓其他野.....人地其他店有開....

果晚好好飲ga當歸湯,原來新鮮咁樣....

估唔到又買到少少野,唔係山當歸,係欖,里度d欖真係好好味::oo2082 ~

上去再影,風景真係唔錯,d花好靚~
個包車司機好準時9:30到咗,我地影得太高興,幾乎過時......

我地搬d行李出嚟,個司機幫圭我地搬上車,之後交條屋匙俾佢,佢幫我地還匙俾服務台~

架車好大,我地四個人,坐得好舒服::vv4040 ~

我地同司機講想食水果,佢話車我地去埔里買~

我地每樣都買咗少少......
之後出發去日月潭~
佢車我地上山遙望日月潭,問我地坐唔坐船去對岸,我地話唔坐(因為時間有限,唔想浪費時間)

之後車我地去日月潭大街,

我地第一件事緊係搵洗手間啦~

之後就醫肚,條街好細,冇咩野食,咪食小食~

好香呀,不過食落都係香港茶葉蛋好食~

唔記得叫咩蝦,都幾好食,不過咸d~我地重買咗炸墨魚丸,一致話最好食~

之後去碼頭影幾張,行一陣街(不過冇收穫,d野較貴,買唔落手)

係郵政局門口影吓相.....

之後call司機走啦~
里度係向山遊客務服中心,入面有好多地圖攞~

有間手信店,我地都係齋睇冇買.....

hello kitty 酒......

我地出返去,上返架車,出發去車埕~
點知去到車埕時都三點,真係時間緊迫~

咁岩見到架火車,即刻影相,

之前睇唔岩明信片,係車埕睇岩,今次一改以往,唔寫俾香港朋友,我地今次互相寫俾大家~

其實我地冇食午餐,嚟車埕一定要食木桶便當,不過我地唔要木桶,即時堂食,里餐又平又抵又好食::vv4041 ~

因為時間冇多,要走啦....好多地方都冇睇.......再見~

出發去集集啦~

 我地去咗武昌宮先,
1999年武昌宮完工後不久因為921大地震而倒塌,但神像因為信徒搶救而未受損。倒塌的原廟永久保留

後來係隔離起多一間新廟,於2013年10月12日舉辦神像入火安座大典，正式啟用,

武昌宮隔離有個賣手信市場,類似街市咁ga地方,我地又大出血::mm1737 ~

買好又出發,
終於到咗集集鎮.....火車站~

見到有好多人買雪條,咪跟住買,點知一d都唔好食,做咗豬仔::vv4045 ~

又因為時間關係,我地冇入去睇...

不過一定入7仔買野,因為儲印花,想換杯或遮,因為好靚~

好快又上車,要返台中啦~(下次有機會去台中,要住日月潭一晚,車埕,集集一晚,因為重有好多地方冇去)

唉~返到去成七點,天都黑啦~同司機道別加道謝後,入酒店check in,今次幾好呀,住高樓呀~

第一日住低樓,房間冇雪櫃,唔知今次有冇?

一上到去,真係有雪櫃,可以雪野,可以雪我地今日買d水果,不過d水果係肚姐佢地度,佢地應該唔使提會雪卦,今日咁熱~

我地放低行李,落大堂問櫃枱可以搭咩車去逢甲(原本我編排今晚去一中街夜市,諗住近近地,但我地前日打的返嚟時,發現好多地方冇去,所以去多次)

佢教我地去對面搭客運,

我地去到車站,問個等緊車ga嬸嬸,搭咩車去逢甲,嬸嬸指住對面.....

我思考咗一陣,相信嬸嬸,因為街坊會熟路d,

其實兩個講果架客運都岩~

不過兩架都要成粒鐘先到逢甲,去到都8點幾~

今次熟路,可以慢慢搵食~

炸洋蔥圈

豬寶盒

以上幾樣都係網友推介,的確唔錯,食到咁上下,我地當然又打的返去(唔係我地富貴,真係追唔到尾班車)

返到酒店,放低d野,沖埋涼洗埋頭去肚姐間房食水果~

食番琴日買果個大隻梨,今日買ga士多啤梨(其他水果我地係車食哂)
我里個照顧周到ga領隊,當然有帶刀叉.....可能今日太熱,d士多啤梨好多粒都發霉::vv4002 ~

食吓野,傾吓計,返去瞓又成兩點~