燒烤爐

未轉工前,我在會所做,果間會所真係得閒到冇人有..... 有同事想買麫包機,知道我屋企有部,咪叫我攞返去借俾佢試吓,如果好用,會買一部.... 其實我都唔想,因為重到死,但出到聲唔好意思推,咪攞方返去囉~ 點知佢地話好用,即刻買咗部,而我果部就放係公司度,佢地就日日係度整麫包... 後來我辭職,就係我 last day幾日前先攞走~ 係我last day前兩日,佢地又有新發現,就係家居小型燒烤爐~(真係好得閒,成日上網睇買野)..... 我又一時多口話屋企有,不過今次冇辦法,因為我要 say goodbye~ 講開個燒烤爐,我都買咗成年,用過一次, 當時見到快x美賣燒烤爐廣告,我即刻去買,因為我好鍾意食燒烤~

去過韓國後,真係覺得香港d韓燒冇間好食,韓燒都係韓國好食好多~ 今晚又再開爐,食燒烤,諗住買d菜嚟包肉,可惜搵唔到合適ga菜嚟包,唯有放棄唔要菜..... 人唔多,買咗少少肉,蒜頭,泡菜~

講開蒜頭,我好之前買咗個脫蒜頭衣ga野,而家又有用啦~

用用吓又幾好用....

將d共蒜頭脫衣再剪一半,再燒~

將d燒好ga肉夾埋泡菜同蒜頭一齊食,真係very good~