愛文生

麥哥生日,我地同佢食飯,佢話去愛文生,沒有問題.......
其實就大家食飯都幾難,今次又唔齊人...

我地約咗七點九係深水埗地鐵站等~因為我到達時間好早,所以去黃金商場行吓,不過冇收穫~

行到咁上下,我返去地鐵站會合佢地~

雖然類似大排檔,不過有冷氣,都舒適~

上次食過,個個話正~

真係幾好食,大家都幾滿意~

又係蝗蟲一掃光~

食飽飽,玩咗一陣自拍同偷拍對方後,就埋單啦,請埋麥哥,每人都係$150~真係幾抵!

之後我地搭的士去旺角食甜品,佢地話去石磨坊,點知去到先知摺咗......

唉~算啦,是但去一間,見到五代同糖.....

之前係灣仔間食過,里間未試過~咪試吓囉~

我地生日慣例,請壽星食飯,但壽星要請返我地食甜品,結果埋單$180幾,甜品重貴過餐飯!真係多謝麥哥~