每次去旅行,我都有個習慣,就係搭早一班車,預早時間去機場….
到咗第二日,我順利上咗巴士冇耐,就發覺嘟完錢後,張八達通唔見咗,左搵右搵,左摷右摷,有驚無險,終於係巴士樓梯口個地下搵返
之後我就塞住耳朵聽收音機,過咗兩個站,就見到個女人同個司機嘈,但就唔知咩事…..見到個女人用手機影住個司機,後來架巴士停咗係站……
個司機打電話返公司,然後同我地講話報咗警,話個女人唔肯俾車錢,個女人就鬼渣咁嘈話搵緊啦~
事原個女人係機場職員,佢話show職員證可以半價,但個司機話冇咁ga事……..個女人唔順氣,就同個司機嘈….個女人一路搵錢一路鬧司機,司機唔順氣停車行去鬧佢,之後開番車,個女人好嬲,就攞部手機影住司機口UPUP,司機把幾火打番公司然後報警…..
(後來先知原來兩條友一早有積怨)
就係咁,我要同其他人係巴士度等下班車…..結果等咗半個鐘
其他人都好不滿,覺得佢地小事化大
好在去到機場冇遲到,時間岩岩好,見到朋友丁同另外兩個朋友,就去領隊度報到,再過關,然後吃餐…….去吃比市區貴同難食ga麥當當~
阿煩食過早餐,所以冇食~
因為我地搭深圳航空,所以要去T2大樓……
上機好鬼麻煩,先搭無人駕駛,再搭巴士到一個大樓等……
係等侯期間,個領隊話班機delay,但唔知幾時有機
….我地早上十點幾係機場,等到一點幾都冇得上機,大食怪阿煩頂唔住,要坐番車出去食野…..
結果等到三點先上到機
上到機,好肚餓,以為有飯食,點知得…….
咁多野食,好在味道尚可……全餐食哂,剩番個盒,朋友唔安全話個盒好似 i pad,要留番佢
經過一個鐘頭機,終於到咗福建,到咗晉江機場….
去到福建廈門已經開始天黑,我地要去食晚餐….
食飽後周圍行,因為係傻瓜機,所以夜景影得唔好
之後就返酒店,不過就第一次住到間咁差酒店……
因為冇影低,所以全說明……
入到房,天花頂剝落,防盜扣爛咗,地氈滿佈黑點同煙頭印,冇冰箱,冇風筒,當時心諗一分錢一分貨,團費平,算啦…..點知行去張床,唔係呀~張被袋有幾個燒穿咗的煙頭窿,重要有五蚊銀咁大,攞開張被,床單面有好多黑蚊蚊野…..真係冇得忍,咪同個領隊講,結果酒店搵人幫我地換過哂…..
到咗夜少少,又發覺厠所塞,沖涼後唔去水…….天呀,做咩咁差,我以前都跟過平團,但酒店冇咁差……
沒有留言:
張貼留言