福建之旅出發前一段古

今次旅行一段古,原本朋友棗棗話公司裝修問我去唔去旅行,我話好,順便問埋朋友丁去唔去,重鐵定去韓國,點知棗棗轉頭話公司唔俾,真係俾佢激死

原本諗住取消,但朋友丁好想去,但我話冇咩假,而且應承咗棗棗,要同佢去韓國….

但朋友丁真係好想去旅行,提議去越南……越南都好,我都想去

點知第二日佢話唔抵.要簽證,加起上嚟貴,話不如桂林自由行…..
但係網上搵桂林資訊好少,旅遊天書直程搵唔到,再check機票……嘩~重貴過上海…..

不如跟團好,咪同朋友丁話太貴,跟團重好….
朋友丁咪去旅行社搵資料,最後選咗去福建,佢話桂林唔多抵玩,福建抵呀.,$999咋四天呀~

點知玩完個行程,終於知道平野冇好……

聽日先再績….