台灣自由行 day 1之1

一直 都想台灣自由行,今次終於實行啦,可惜d朋友太懶,結果要我自己一個編…..

不過去到台灣時同我編ga都有d出入……

今次原本六個人去,但係有個朋友去買機票時先發覺護照過期,簡直離哂譜,

佢之前唔check,重叫我地轉去大陸玩……

因為今次有三個人係我另一個朋友ga朋友,大家都唔識,而且人地一心去台灣,所以行程唔改,算朋友唔好彩,冇得去


之後我地去專業買機票,而我地打算住台北車站附近d酒店…..

因為五個人去,想要一間雙人房,一間三人房,佢地介紹我地去大師會館….

   

 

當日搭八點幾機,我地約好六點半係機場等,點知朋友丁竟然遲到,我未見過佢果三個朋友

好在我聽到有三個人係度提起朋友丁個名,所以我就走去相認…


  



無驚無險坐咗一個鐘頭機去到台灣,我地出到機場搭國光去酒店…..


去到酒店時,朋友間雙人房未執好,不過我地間已經可以入去啦…..

有一廳兩房,一開放式厨房,一露台…..

露台有洗衣機,真係好…..

放好行李,朋友們話四圍行吓,朋友丁話佢公司個肥婆成日去台灣追星,對台灣好熟,佢推介我地去中山站附近一個市政街市買生果….


(唔好意思我冇影相),行咗一輪,真係冇咩生果,不過就買咗啲豬肉紙..

之後去咗西門町行街,然後買一堆野食返酒店當晚餐

快速瀏覽

台灣自由行day2 之1