金鴻丰

前日約咗早早返大陸按摩,因為有少少頭痛,所以臨瞓前食咗兩粒藥......
點知差唔多十二點時,早早打電話俾我問係邊~~死啦!鬧鐘冇響,我重未起身,我望吓個表,原來我將鬧鐘10am較到10pm...

去到沙田差唔多兩點,我咪同早早講sorry,點知佢話肚皮傳染咗d病俾我,
佢重話之前基露比染咗肚皮病,而家到我,~

哇!如果真係會傳染,肚皮d笨笨病重勁過豬流感.......

去到羅湖香港出入境時,我地去搵"e通道",見到有d "e通道"寫住只適合有登記人仕,我地都唔知咩呢ga,所以係度亙相發問,咁岩俾香港入境職員聽到,佢同我地講,話里個通道係特快通道,只要十秒就過到去,唔使登記,只要攞住身分證去指定通道過,以後就可以過.......
咿!!咁正,咁神奇,

好!好!好!

過完香港,到羅湖,我同d朋友講想申請回鄉卡自助過關,朋友都想,所以我地去填表,之後再去指定通道登記過關,
排係我地後面個男人好好笑,佢同佢朋友講:"填完份表,攞住份表同回鄉卡俾條八婆就得啦"

去到羅湖,我地去搵金鴻丰間專車去按摩,途經好多按摩店d人拉客,好鬼煩,

佢地問我地去邊間,我地話去金鴻丰,佢地即刻叫金鴻丰d人出嚟,(雖然煩,不過佢地真係幾好人)
上車之前,金鴻丰d人俾我地每人十蚊優惠卷,咁我地每人限番十蚊.....


我地同上次閒生嚟一樣,一粒鐘按腳,兩粒鐘按身....

原本諗住按中式,不過中醫穴位d按摩師又走嚟sell客,早早同佢個朋友都想試,雖然貴過中式,但係都只係118,

咁........我都試吓啦.....
早早個朋友好怕痛,按腳時鬼渣咁叫

到按身時,佢地話做中醫穴位雙鐘會送拔罐,挖沙同中藥full.....

唔使錢.,我選拔罐,因為我未試過.....
到按身時,中醫穴位真係痛過中式,不過人地話唔痛係冇用,早早個朋友又痛到鬼渣咁叫......

到放火罐時,佢竟然冇叫痛,但係我覺得好鬼痛.....

我問早早個朋友,d罐ok時,係咪會自動卜一聲掉出嚟,佢朋友話唔會,如果會,咁咪成地玻璃碎......

不過果度按得好足鐘,同埋佢地按得好好,按果時好痛,但係按完成個人鬆哂
(不過拔罐之後d位好痛,個背脊一哎到就好鬼痛~~~~~拔完之後又肉酸又痛我以後都唔拔罐啦) 

  拔出罐之後,個臂膀同背脊好恐怖,好大塊瘀血(忽然諗番起thing旗,因為每次同做佢拍檔玩色中同猜枚,佢都鬧人瘀血)

           以下圖片,好嘔心,細膽ga人千萬唔好睇

                        

          

                                  

返香港時,我地可以兩面都自助過關,不過真係好快過,每邊都係用咗9秒9秒而家我先發現香港d出入境職員好好同有禮貌,唔知係咪同而家無線播緊id精英有關