豬流感

最近豬流感好勁,每日都有好多宗;我其中有個朋友好愛惜生命,之前問佢去唔去旅行,佢話好,所以我攞大假,點知豬流感越來越勁,佢好驚,話唔去咯……

之後一次約食飯,我地約咗去旺角,點知果日旺角有人掟漒水落街,佢即刻打俾我話轉地點好唔好,我答佢唔好,因為已經約哂人,而且食飯地點近太子,都唔係喺果邊…..


最近旺角又發生小巴撞死途人,朋友即刻同我講話旺角好邪,唔好去旺角……佢真係好愛生命,我諗我應該學吓佢(因為我成日叫人去死)

幾日前有酒店住客確診有豬流感,好在我冇接觸,而且適逢我放大假,如果唔係,一定被趕出家門(冇辦公啦,屋企有個小bb)

捱咗咁多個月,終於要放無薪假,重話之後得四,五成客……

雖然靜,但係人手同樣樣野都唔夠用,簡直做死人…….,我完全唔想做野,企係度等運到,

侄女蘇菲對住鏡頭異常興奮,唔知其他bb係咪咁?