12345港珠澳遊~Day 1

又過大海， 今次搭金光飛航， 用永安個app book， 用優惠碼,每人可以減十蚊， 所以來回船飛喺$270一位

我哋今次嘅旅程， 首先去珠海先， 今次去珠海係住蓮花路間L酒店, 上次住過, 覺得 交通方便, 價錢便宜, 今次book咗三間房....
行程大約如下

出發前 去上環碼頭取定船飛先

到咗出發日， 我哋又約好 喺澳門茶餐廳食早餐☕

今次試食西式早餐🍞

食飽曬， 唔見存又未到😠， 應該又遲到， 因為船飛在我那裡， 所以要等埋佢😑，
 我哋等到最後一刻仲未見人😨， 冇辦法， 我哋自己入先。。。
點知 我哋一入閘🏃， 佢就到咗， 冇辦法佢要買💸另一張船飛， 都可以作為遲到嘅一個懲罰。。。

去到澳門， 我哋搭發財車🚍 去關閘。。

今次 第一日冇喺澳門停留, 直接去珠海~

過咗關就直接去酒店

由地下商場行過去

呢間係四眼超人間房, 佢張床係super King

唔見存間房就係普通大床房

不過個浴室有塊透明玻璃, 係廳到見到個浴室, 如果同朋友一齊住, 會有尷尬囉😱

(里張係廳影入去,入面係冇簾,冇布遮掩😨)

因為房間真係太平, 我同棗棗就要咗一間一房一廳一 廁所, 除開每人都係百幾二百蚊 港紙

放好行李, 我哋搭的士去 華發商都, 四眼超人未食過探魚 🐟我哋帶佢去食,的士好平,都係💲廿元左右...

可能已經到咗兩點幾. 所以客人唔多

小食係免費😍

叫完食物職員就將個沙漏放低, 話限時內會送上食物

唔見存有張優惠券， 所以呢條雞絲撈麵係免費呀

之後每樣都叫咗一啲嚟食,叫了熱食😋

因為棗棗病😵， 所以今次叫嘅魚係唔辣嘅， 唔辣嘅魚味道係 差 少少

不過仍然啖啖肉， good！😋

叫了些打邊爐🍵~

茶杯 好有趣， cheer🍻

食飽行去商場 逛一逛

見到部榨橙汁機, 想用香港微信👀睇下得唔得， 原來大家個微信都冇錢💸....... 運桔🍊

見到排扭蛋機， 想扭蛋,但大家都冇錢😔，

之後大家搭的士🚕 去返酒店🏨附近， 去華潤萬家🏬買啲食物返酒店食， 

擾嚷一輪💥， 佢哋要去我哋間房開餐 😩。。。

好似好多嘢食， 其實只係食咗一盒手撕雞

大家各自回房,

休息一輪😴， 我哋八點幾出去食晚餐🍜

去金記豬肚雞， 網上話佢啲豬肚雞又平又抵食

                         

                                     金記豬肚雞複合型餐廳 地址：

                                       僑光路5號華策大厦二樓 

                                        電話：0756-8284166 

                                   營業時間：週一至週日10:00-23:00

我哋四個人叫咗一鍋中 size 嘅豬肚雞， 每人加七蚊 就可以有醬料,自助小食同埋飲品， 我哋見價錢唔貴就所以每人 加七元

不過出面啲自取的自助小食同飲品， 真係唔食都罷😖,
都係自己點好.....

...

今餐合共埋單三百幾人仔， 每人約一百蚊人仔左右 真係抵食

之後行咗一陣間， 問佢哋食唔食甜品， 全部都話好飽唔食，

 點知行行下見到有煎餃子， 大陸有一個好處， 啲餃子係即買即包即煎👍，

 問佢哋要唔要， 又話好， 咪買一盒返去😊

結果買返去， 個個都食， 最後食曬， 不過啲餃子真係幾好

 同埋呢包薯片我真係幾鍾意食, 食埋個宵夜,大家各自回房休息~