深圳南澳海鮮海味遊

兩年前去過深圳南澳， 向身邊的朋友推薦可以再去多一次， 朋友都好有興趣去👏👏👏
所以就問每次放假都去南澳個舊同事， 佢有朋友喺南澳漁排 做， 可以安排我哋去魚排食海鮮。。。

每次都做簡單行程， 今次都 略略做下

因為要聯絡舊同事個魚排朋友， 所以去鴨記買咗張電話卡， 盛惠50蚊， 不過只得1GB

因為防有人遲到所以我哋約十點鐘 ,約喺九龍塘等, 

朋友到齊就去買10點40分鐘班車🚌直到南澳

到咗南澳都差不多十二點幾， 我就聯絡舊同事個朋友📞，（ 我舊同事話佢朋友會落嚟接我哋😊），

 佢朋友叫我哋搭的士過去😐， 如果搵唔到的士，就去附近睇下有冇車.車 我哋過去😮😰（ 當然係講收錢果d車,佢朋友話應該十蚊左右）
我哋沿途行都唔見有的士😩， 或者私家車向我哋開價去邊😨（ 坦白講， 如果搭d私家車🚐,真係覺得有啲危險,因為里度係大陸,所以我哋冇主動去問）

因為兩年前， 我舊同事都係帶我哋行上去 魚排🐟， 所以我都諗住自己行過去， 然後打電話問佢朋友， 路線行得啱唔啱，

 點知佢朋友就發脾氣💥， 話我哋唔搭車去要行好遠， 叫我哋自己去搵餐廳食😲💢。。。
我同我啲朋友覺得佢好無理取鬧😡， 既然唔想做我哋生意,咁我哋自己去第二度食啦~ bye,bye~死八公😈

天氣好好~但好熱!🌞

唔使上船出海我哋就有多啲時間慢慢行影相📷💥

行去海味街 幫老豆買啲鹹魚先~

買完之後， 問下個老闆娘有冇邊間海鮮檔推介， 佢哋就帶咗我去一間酒樓食😉

我哋首先喺魚缸揀咗一啲海鮮 之後就上去坐,
呢間酒樓叫海濱酒家， 海鮮係新鮮~ 

叫咗咁多餸， 每人都唔使二百蚊， 之後出去四周行下🚶🚶

誤入當地嘅街市， 估唔到佢啲街市都好乾淨

之後再買啲鹹鹹濕濕嘢做手信📦

買咗包勁辣魚仔， 咁辣應該都有排食，

 因為往年呢見到條街,外面都擺曬啲貨品,今次呢個海鮮街 好寬敞， 

所以順便問下個老闆娘點解咁， 佢話政府唔准佢哋喺門口放嘢,所以個個都將啲貨品收返入舖頭入面， 唔怪得之感覺好似唔同咗喇~

睇返時間， 我哋行返去搭車 行過去買車飛.

南澳呢邊個寫字樓真係好簡陋， 喺間村屋入面嘅啫

而且 車票 都係手寫嘅。。。 

因為出面太陽🌞太過曬我哋都係入面等車， 今次我哋搭車出沙頭角未返香港住

喺沙頭角口岸落車

之後都係周圍行下,去下超市， 見到有個入口係去中英街， 但只准居民 入， 或者你有禁區紙啦❌

唯有喺門口影下相睇下啦

之後去番上次朋友帶我哋去嗰間龍興食砂鍋粥~

叫咗啲小菜

每樣餸味道都好好😋， 最好食都當然係沙鍋粥😍， 

今次亦係叫砂鍋雞 蝦粥， 佢啲蝦🍤居然仲好食過南澳嗰度啲蝦， 食飽飽就搭車返香港