長洲雨中的櫻花

每年二月都係長洲櫻花開的月份，今年長洲櫻花遲咗開花，所以三月仍然有得睇。。。
而家同朋友約去玩，越來越難，所以今次去長洲，都係得我同棗棗~
三月尾成個星期都晴天，棗棗揀果日31號竟然落雨。。。
唔通個天唔想我地去長洲。。
當日原本約咗10:30在往長洲的中環5號碼頭等，但當我想出門口時，竟然落傾盆大雨，唯有等雨細d先出門。
開頭諗住會搭唔到10:45分班快船，但去到碼頭時，竟然都趕到。。。

好快就到咗長洲，今次要再去根記食泥猛粥。。。

上次大熱天時食，今次就食得舒服得多。。

我地再叫多碟蔥花蛋腸粉。。

連隻貓都跳上櫈等食😄

食飽飽後，我地行去關公忠義亭睇櫻花。。
其實櫻花三月中時已經全開，今次都係抱住博一博心態。。。
諗唔到竟然仲有咁多櫻花。。。

影影吓，忽然又落大雨，唯有走去個亭避吓雨😟

到雨停咗，再去影過。。。

原來棗棗未食過大魚蛋，我就同佢去甘永泰。。
其實大魚蛋真係一般，只係得個大，我都係鍾意炸豆卜多d~

食後我地去買明信片寄比自己，點解？因為長洲有特別郵戳。。
但。。原來長洲好難搵到明信片買，千辛萬苦先買到張，趕得切郵局關門前寄，因為個特別郵戳箱，係郵局入面。。。
寄咗明信片，我地行返去近海旁ga熟食檔下午茶。

行入去，係間叫通記食。。

不過我見佢地好似同一個老細咁。。。

簡簡單單叫咗個奶茶加三文治。。。

之後就行去沙灘果邊，經過東灣沙灘，到咗觀音灣

因為1996李麗珊得到滑浪風帆奧運金牌，而佢就係觀音灣練習，所以就有塊滑浪風帆記念碑。。

可能落雨關係，天色較黑。。。

不便行山行去小長城。。不過都見到有人照行~

我地影咗幾張相，折返去市中心。。

見到個天忽然有光

忽然又好似天晴，其實都係假象。。。

長洲唯一間酒店，其實有冇人入住？

行返去都六點半，我地食埋晚餐先出市區，見興樂都幾抵食。。

我地點咗四款餸菜。。。
                                  炒菜心~

                               椒鹽魷魚。。

粉絲蒜蓉蒸扇貝

                            鼓汁蒸倉魚。。

價錢平，又好食，好滿足~

食飽都好早，我地慢慢行去碼頭搭船返中環

今次搭慢船，船尾可以行出去吹海風，影靚相。。

我覺得我地什麼都影，有d癲。。。😶

我地影吓相，時間都過得好快，不知不覺都返到中環

要離開船啦~

上到岸啦。。

中環個摩天輪都著哂燈，坦白講，咁貴，我真係從來都冇想坐。。

過咗兩日，張明信片到咗手啦。。