新年澳門拱北三天行

每年農曆新年都一定要返工，今年因為已經辭去份正職，轉了做炒散（兼職），所以年初一至初七我都要求放假唔返工（放假當然沒人工)。。。

咁岩肚姐就放年初二至初四，佢問我有冇興趣去澳門加拱北，佢朋友拱北有間屋，可以免費住。。。我當然應承~
就上網睇吓新年幾日，澳門有冇節目，然後同肚姐講，最大目的想放吓煙花。。。佢話都有興趣。。。

行程方面基本上冇，諗住寄人離下，到時睇吓屋主有冇行程。。
點知就大件事。。。

其實一直都冇約時間幾點出發,直至初一夜晚通知明天下午四點半係上環港澳碼頭等,

點知1點幾時,問三點可以到碼頭嗎?我當然話未必得,因為洗緊頭,儘量啦~

點知我三點到時,佢地都未到,成三點半先到!

去到買金光船票,因為過年關係,全部優惠都冇,要買正價.....都要四百蚊...

去到澳門，跟住佢地搭發財車去到銀河酒店，睇吓佢地想點，原來嚟攞免費水，同賭兩手。。。。
玩咗一個鐘頭左右，又搭發財車去關閘，之後過關去拱北~

過到去，係個地下商場行吓街，之後見到間食海鮮米粉，賣相都幾吸引，價錢又唔貴，咪試吓啦。。。

圖片與相片不付，因為都幾細碗。。。
之後就行去超市入貨，買d零食之類返去屋企，之後出去飯店食飯。。。
其實好多商舖都休息，要搵食都唔易~

到咗第二日即年初三，我話想過澳門，但屋主話過澳門好多人，唔多想去。。。
但過咗一陣，又話一齊去。。。

過關真係好多人，約一個鐘先過到關。。。

關閘附近，可能唔係遊客區，好多食店都關門，行咗好耐，終於搵到間酒樓飲茶。。。

飲茶期間，大家商量去邊，問屋主佢地，佢地冇意見。。
我話去媽閣，佢哋又話今日會好多人。。。#※¥😬
之後又話去😡。。。

我地係關閘上咗間巴士，人多到冇得坐，差不多企到總站。。
去到媽閣廟時，比想像中，人少好多。。。

我同肚姐各買一個風鈴，不過找錢時，個店主妹妹睇錯錢，找五十，變咗五百。。。
我當然還比佢，佢知道咗，只有傻笑。。。

我地四個行上媽閣廟參觀。。。

我同肚姐四周影相，屋主兩公婆，就由山腳拜神拜到山上。。。

去過媽閣廟，我就帶佢地行上主教山影相。。

佢地都行到上氣不接下氣😁。。。，終於上到山頂~

好大比例，今日就係中西文化混合🕍🀄

之後佢地又搭車去巴黎人賭兩手，我本身想夜晚去玩煙花，但屋主好似唔多想去，又話夜過關多人。。。😥
我見網上話旅遊塔附近有得放，但屋主話冇，要去氹仔先有我放。。。我唔信，再問酒店工作人員，佢哋都唔清楚，一樣話自己冇得放。。
最後唯有放棄，跟佢地搭發財車去關閘。。。
但搭車途中，見旅遊塔附近有人放煙花，我心不死，决定聽日一定要放。。。
去到關閘附近，諗住食下午茶。。
結果見到間金葡咖啡茶餐廳有開

我同肚姐叫咗個辣魚包，佢哋就叫咗豬扒包。。。
之後就返拱北。。

返到拱北屋企休息咗一陣，我地就去食晚餐。。。
去肚姐大力推介，話好好食間拱北益健酒樓。。

佢大力推介個魚頭煲，但我食落唔覺有咩特別，連屋主都話差咗。。。

都係一般酒樓，唔覺出色。。。

到咗第三日，我地今日要返香港，12點幾先出門，係琴晚食晚餐間酒樓食茶，之後就過關去澳門
開頭以為屋主唔會一齊去澳門，因為我地打算去玩煙花，玩完就返香港，點知佢地同我地一齊去
放煙花地方，係旅遊塔附近，我地跟住爆竹聲行過去

人唔多，可能係大白天

其實各種煙花都好貴。。。

得我同肚姐玩，平平地買包百五蚊，細支穿雲箭玩吓啦

得幾支，等同燒銀紙。。。

不過玩得都好開心。。。

之後去爆竹區，睇人燒爆竹。。。

勁大煙，唔知會唔會污染空氣。。。

玩過後，同肚姐去買手信，之後就搭車去碼頭搭船返香港